ق ر اۋىل شارۋاشىلىعى مينيسترلىگىنىڭ شاقىرتۋىمەن جۇڭگو حالىق رەسپۋبليكاسى اۋىل شارۋاشىلىعى ءمينيسترىنىڭ استانا قالاسىنا رەسمي جۇمىس ساپارى باستالدى دەپ حابارلايدى قامشى اقپاراتتىق اگەنتتىگى.

ساپار بارىسىندا ق ر پرەمەر – ءمينيسترىنىڭ ورىنباسارى – اۋىل شارۋاشىلىعى ءمينيسترى ا.ي. مىرزاحمەتوۆ پەن جۇڭگو حالىق رەسپۋبليكاسى اۋىل شارۋاشىلىعى ءمينيسترى حان چانفۋدىڭ ەكىجاقتى كەزدەسۋى جانە قازاق-قىتاي اگرارلىق ينۆەستيسيالىق فورۋمى بويىنشا بىرنەشە ءىس-شارالار وتكىزىلدى. 

ەكىجاقتى كەزدەسۋ بارىسىندا قازاقستان مەن جۇڭگو اۋىل شارۋاشىلىعى سالاسى بويىنشا ارىپتەستىگى، اسىرەسە، ۆەتەريناريا جانە ورگانيكا جونىندەگى وزەكتى ماسەلەلەرى، بىرلەسكەن ينۆەستيسيالىق جوبالارى تالقىلاندى.

فورۋمدى ەكى ەلدىڭ اۋىل شارۋاشىلىعى مينيسترلەرى اشتى. اتالعان فورۋمنىڭ جۇمىسىنا 100-دەن اسا بيزنەس، ءبىلىم جانە عىلىم وكىلدەرى قاتىستى.

جۇڭگو حالىق رەسپۋبليكاسى قازاقستانعا  جالپى ەكونوميكالىق، ونىڭ ىشىندە اگروونەركاسىپتىك كەشەنىن دامىتۋ تۇرعىسىندا  ماڭىزدى ستراتەگيالىق ارىپتەستەرىنىڭ  ءبىرى بولىپ تابىلادى.

اعىمداعى جىلدىڭ ماۋسىم ايىندا استانا قالاسىندا وتكەن ق ر پرەزيدەنتى ن.ءا.نازاربايەۆ پەن  قحر ءتوراعاسى سي سزينپينمەن بولعان كەزدەسۋ بارىسىندا دا قازاقستان مەن جۇڭگو اراسىندا اۋىل شارۋاشىلىعى تاۋارلارىن وڭدەۋ جانە ينۆەستيسيا تارتۋ ماڭىزدىلىعى بىرنەشە رەت ايرىقشا اتالىپ وتكەن بولاتىن.

 وسى جىلدىڭ اقپان ايىندا قابىلدانعان ق ر اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى بارىسىندا اۋىل شارۋاشىلىعى تاۋارلارىن وڭدەۋ بويىنشا ەكىجاقتى ىنتىماقتاستىق جۇمىستارىن جۇرگىزۋ جالعاسىن تابۋدا.

فورۋم بارىسىندا اوك-كە 160 ملن. دوللار كولەمىندە ينۆەستيسيا

تارتۋ جانە ساۋدا بويىنشا ىنتىماقتاستىق جونىندەگى 7 قۇجاتقا قول قويىلدى. ق ر اۋىل شارۋاشىلىعى مينيسترلىگى مەن قحر اۋىل شارۋاشىلىعى مينيسترلىگى ارگارلىق ىنتىماقتاستىق اياسىندا «ۇلگىلىك ايماق» قۇرۋ بويىنشا ءوزارا تۇسىنىستىك تۋرالى مەموراندۋم جاساستى.

«اگرارلىق ىنتىماقتاستىق بويىنشا «ۇلگىلىك ايماق» كاسىپورىندارعا اۋىل

شارۋاشىلىعى سالاسىندا جاڭا يننوۆاسيانى ەنگىزەتىن بولادى. اتالعان جوبا  «ۇلتتىق اگرارلىق عىلىمي ءبىلىم بەرۋ ورتالىعى» كوممەرسيالىق ەمەس اكسيونەرلىك قوعامى بازاسىندا جۇزەگە اسىرىلادى»،- دەپ اتاپ ءوتتى ا.مىرزاحمەتوۆ.

         بۇدان بولەك، فورۋم شەڭبەرىندە جۇڭگو ەلىنە قازاقستاندىق اۋىل شارۋاشىلىعى ونىمدەرىن جەتكىزۋ  بويىنشا «ازىق تۇلىك كورپوراسياسى» اق ۇلتتىق كومپانياسىمەن بىرنەشە كەلىسىمدەرگە قول قويىلدى.

- Xi'an Aijugrain & Oil Industry Group Co Ltd كومپانياسى اراسىندا ءداندى داقىلدار مەن مايلى داقىلدار ساۋداسى بويىنشا ءوزارا ىنتىماقتاستىق تۋرالى  كەلىسىم؛

- Zhongxinjian LLC كومپانياسى اراسىندا ساۋدا-ساتتىق بويىنشا مەموراندۋم؛

- Xinjiang Zhaofenghe Bio-technology Co كومپانياسى اراسىندا ءداندى داقىلدار ساۋداسى بويىنشا ءوزارا ىنتىماقتاستىق تۋرالى  كەلىسىم.

بۇل كەلىسىمدەر قحر-گە 200 مىڭ توننا ءداندى-داقىل جانە 100 مىڭ توننا مايلى داقىلداردى ەكسپورتتاۋعا سونىمەن قوسا، اتالعان ءداندى-داقىل تۇرلەرىن شەكارالىق ايماقتا ساقتايتىن تەرمينال قۇرۋعا مۇمكىندىك بەرەدى.

فورۋمدا تاعى ءبىر قول قويىلعان مەموراندۋم "جاننۋر-استانا گرۋپپ" ج ش س مەن قىتايدىڭ «تينيان ينحاي  حەنان ولكەسى» تۇقىم ءوندىرۋ كومپانياسى اراسىندا اۋىل شارۋاشىلىعى سالاسىندا ىنتىماقتاستىق جونىندە بولدى.  اتالعان كەلىسىم ق ر اۋماعىندا ءداندى-داقىلداردى وڭدەۋدىڭ ونىڭ ىشىندە تۇقىم شارۋاشىلىعىندا تەحنولوگيانى ترانسفەرتتەۋدىڭ تولىق سيكلىن جاسايدى.

قازىرگى تاڭدا بۇرىن قول قويىلعان كەلىسىمدەر بويىنشا راپس مايىن، ءسۇت، ەت، قىزاناق جانە باسقا دا اۋىل شارۋاشىلىعى ونىمدەرىن وڭدەۋ بويىنشا بىرىككەن ينۆەستيسيالىق جوبالار جۇزەگە اسىرىلۋدا. بۇدان بولەك، Citic Group كومپانياسىمەن جۇرگىزگەن  ىنتىماقتاستىق بارىسىندا بيداي جانە بيدايدىڭ سابانىن وڭدەۋ بويىنشا ەكى ۇلكەن جوبا ىسكە اسىرىلىپ جاتىر.

سونىمەن قاتار، س.سەيفۋللين اتىنداعى قازاتۋ مەن قىتايدىڭ XISEN كومپانياسى اراسىندا كارتوپ وسىرەتىن تاجىريبەلىك دەمونستراتيۆتى ستاسيونار قۇرۋ بويىنشا كەلىسىمگە جانە وسى ۋنيۆەرسيتەتپەن قىتايدىڭ سولتۇستىك-باتىس اۋىل جانە ورمان شارۋاشىلىعى ۋنيۆەرسيتەتى اراسىندا  بىرىككەن اگروتەحپارك قۇرۋ جونىندە كەلىسىمگە قول قويىلدى.