جاقىندا قوستاناي قالاسىندا تاتار ۇلتىنىڭ وكىلدەرى "سابانتوي" مەيرامىن اتاپ ءوتتى. قازاقستاندا وسىمەن 13-رەت دۋمانداتىلىپ وتىرعان رەسپۋبليكالىق شاراعا تاتارستان پرەزيدەنتى رۋستام  ميننيحانوۆ باستاعان   ارنايى دەلەگات كەلدى.  ەلىمىزدىڭ تۇكپىر-تۇكپىرىنەن كەلىپ قاتىسقان تاتارلار دا ورتا تولتىردى. اتالمىش مەيرام توبىل وزەنى ەتەگىندە كەشە عانا ەل تاۋەلسىزدىگىنىڭ قۇرمەتىنە اشىلعان «تاۋەلسىزدىك»  جاعالاۋىندا ءوتتى.

ەڭبەكتىڭ بەرەسىن، بەرەكەنىڭ مەرەكەسىن كىرگىزگەن ۇلان اسىر دۋماندى تويدا قاراپايىم حالىق سپورتتىڭ بىرنەشە تۇرىنەن ءوزارا جارىسقا ءتۇستى.

«توي دەسە قۋ باس دومالايدى» دەگەندەي اتالمىش تويعا قوستاناي حالقىنىڭ تاي تۇياعى قالماي ۇلكەندى - كىشىلى بارلىعى باس كورسەتتى.

سابانتويدا «باعانعا ورمەلەۋ»، «باعانمەن جەرگە قۇلاماي ءجۇرىپ ءوتۋ»، «ارقان تارتىس»، تاتاردىڭ ۇلتتىق سپورتى «بەلبەۋ كۋراشى» تۇرلەرىنەن قىزىقتى ويىندار ويناتىلدى. ءار ويىن ءوز دەڭگەيىندە تويدىڭ قىزىعىن كەلتىرە ءبىلدى. ەندى وسى مەرەكەلىك مەيرامدا كوپشىلىكتىڭ قىزىعۋشىلىعىن تۋدىرىپ، ۇزاق مەرزىمدە ەستە قالاتىن سپورت ءتۇرى ول «بەلبەۋ كۋراشى» ەدى.

وسى ەكى كۇنگە سوزىلعان سابانتويداعى تاتاردىڭ ۇلتتىق سپورتى «بەلبەۋ كۋراشىنا» ءبىزدىڭ دە وقۋ ورنىمىزدىڭ قىزمەتكەرى  قازاقستان رەسپۋبليكاسى ءىىم شىراقبەك قابىلبايەۆ اتىنداعى قوستاناي اكادەمياسىنىڭ وقىتۋشىسى، اكادەميامىزدىڭ ماڭداي الدى ماقتانىشىنا اينالعان جاستا بولسا، كەيىنگى ۇرپاققا ۇلگى بولا بىلگەن، قازاقستان رەسپۋبليكاسىنىڭ سامبو كۇرەسىنەن سپورت شەبەرى، بىرنەشە دۇركىن «قازاق بارىسى» كۇرەسىنىڭ قاتىسۋشىسى، پوليسيا مايورى ەرجان قابيدۋللينوۆ قاتىستى. ەندىگى ءسوزىمىزدى وسى بەلبەۋ كۋراشىنا بۇرعىم كەلەدى.

«بەلبەۋ كۋراشى» باستالادى دەپ، جۇرگىزۋشى حابارلاعان ساتتە، بوز كىلەم قاسىنا توي قاراپ جۇرگەن كورەرمەن لەزدە جينالدى. حالىق سانى كوبەيگەن ساتتە، جۇرگىزۋشى كۇرەستىڭ باستالاتىنىن جانە وعان قانشا بالۋان قاتىسقالى وتىرعانىن حابارلادى. بۇل جولى «بەلبەۋ كۋراشىنا» تاتار پرەزيدەنتى رۋستام  ميننيحانوۆ ءوز اتىنان باس جۇلدەگە لادا «گرانتا» اۆتوكولىگىن تىگىپ، بالۋاندار مەن كورەرمەندەردىڭ دەلەبەزىن قوزدىرىپ، قىزىقتىرىپ قويدى.

اتالمىش سپورت تۇرىنە رەسەي، تاتار، قازاق جانە باسقا دا ۇلت وكىلدەرىنىڭ 23 بالۋاندارى قاتىسىپ، ب ا ق سىناستى.

2-3 ساعاتقا سوزىلعان جارىس سوڭىندا «مەن-مەن» دەگەن مىقتى بالۋاندار قالىپ، باس جۇلدەگە تىگىلگەن لادا «گرانتا» اۆتوكولىگىن سىنعا سالدى.

اقتىق سىندا ب ا ق سىناعان ارىپتەسىمىز ەرجان كابيدۋللينوۆ رف ەڭبەك سىڭىرگەن سپورت شەبەرى، تاتار حالقىنىڭ ۇلتتىق «بەلبەۋ كۋراشىنان» 3 دۇركىن چەمپيونى يلفير انۆاروۆ ەسىمدى بالۋانمەن بەلدەسىپ، 1 مينۋتقا جەتەر جەتپەس ۋاقىتتا، ادەمى ايلا ءتاسىل جاساپ رەسەي بالۋاننىڭ جاۋىرىنىن جەر قاپتىردى. وسى ءساتتى تاعاتسىزدانا كۇتكەن كورەرمەندەر، ەرجانعا ريزاشىلىقتارىن ءبىلدىرىپ، ۇزاق ۋاقىت قول شاپالاقتالادى. مىنە وسىلاي كوپتىڭ اراسىنان باعى جاڭعان ارىپتەسىمىز تاتار پرەزيدەنتىنىڭ اتىنان تىگىلگەن اۆتوكولىكتى قانجىعاسىنا بايلادى. بىزدە وسى ورايدا ەرجاندى شىن جۇرەكتەن جەڭىسىمەن جانە باس جۇلدە اۆتوكولىگىمەن قۇتتىقتاي وتىرىپ، سوزگە تارتقان ەدىك.

• ەرجان باۋىرىم بۇگىنگى جۇلدەڭ جانە جەڭىسىن قۇتتى بولسىن. كوڭىل كۇيىڭ جانە جارىس تۋرالى نە ايتار ەدىڭىز؟

-كوڭىل كۇي وتە كەرەمەت. جارىسقا قاتىسۋ ءۇشىن كوپ دايىندالدىم. ويتكەنى وزگەنىڭ تويىندا جەڭىلىپ قالسام ۇيات قوي، بارشا قازاق دالاسىنان. بۇل سابانتوي تۋرالى ەرتەدەن بىلەمىن. سابانتويداعى «بەلبەۋ كۋراشىنا» بىرنەشە جىلدان بەرى، قالماي قاتىسىپ كەلەمىن. جاسىراتىنى جوق، 4 جىل قاتارىنان قاتىسىپ، جىلدا باس جۇلدە قوي ۇتىپ الاتىنمىن. ءبىراق ول جارىستار تەك وبلىس دەڭگەيىندە عانا ۇيىمداستىرىلاتىن. ال بۇگىنگى توي رەسپۋبليكالىق دەڭگەيدە ۇيىمداستىرىلىپ وتىرعان سوڭ، وبلىس اكىمى جانە تاتار پرەزيدەنتى قاتىسىپ وتىر.  تاتار ەلىنىڭ باسشىسى رۋستام ميننيحانوۆ مارتتىك تانىتىپ، ءوز اتىنان اۆتوكولىك قويدى. مىنە، سول جۇلدەنى مەنىڭ ۇتىپ العانىم ءوزىم ۇشىندە، نامىسىن قورعاعان حالقىم ءۇشىن دە ءسوز جوق قۋانىش دەپ سانايمىن.  مەنىڭ بۇگىنگى قارسىلاستارىم وسال ەمەس، بارلىعى دا ءوز اتاق دارەجەسىنە ساي بالۋاندار. ماسەلەن سوڭعى شىققان يلفير جانە قازاق كۇرەسىنەن الەم چەمپيونى وڭتۇستىك قازاقستان وبلىسىنىڭ وكىلى، بەلگىلى بالۋان نۇرزات بەكاسىلوۆپەن كەزدەسۋ، ولاردى جەڭۋ مەن ءۇشىن وڭاي بولمادى. مەنىڭ ونەرىمە جان كۇيەر بولىپ كەلگەن بارشا كورەرمەندەرگە ايتار العىسىم شەكسىز. بۇگىنگى جەڭىسىمدى ەڭ ءبىرىنشى ءوزىمنىڭ قىزمەت وردام اكادەمياما جانە جاتتىقتىرۋشىلارىم نۇرجان  ەرماعامبەتوۆكە، اركاديي احمەتوۆكە  جانە رۋسلان تاڭقىبايەۆ اعالارىما ارنايمىن. ويتكەنى سول كىسىلەردىڭ ەرەن ەڭبەكتەرىنىڭ ارقاسىندا بۇگىنگى باعالى جەڭىسكە جەتىپ وتىرمىن، -دەيدى بىزگە بەرگەن سۇحباتىندا ىشىندەگى سىرىن جاسىرماعان ەرجان.

ەرجاندى دۇيسەنبى كۇنى اكادەميا باستىعى، پوليسيا گەنەرال-مايورى ميرلان قىزىلوۆ ءوز ورىنباسارلارىمەن اكادەميا الاڭىندا ارنايى كوپشىلىكپەن كۇتىپ الدى. گەنەرال مىرزا ەرجاندى وسىناۋ جەڭىسىمەن قۇتتىقتاپ، شىن جۇرەكتەن باسشىلىق جانە اعالىق تىلەگىن ايتىپ، بولاشاقتا بۇدان دا ۇلكەن جەتىستىكتەرگە جەتە بەرۋىنە تىلەكتەس ەكەنىن ءبىلدىردى. ءتىپتى ءوزىنىڭ شەبەرلىكتەرىن كۋرسانتتارعا ۇيرەتۋدەن جالىقپا دەپ نىق ايتتى.

ايتپاقشى ءسوز سوڭىندا تاعى ءبىر قۋانىشتى جاعداي، وسى سابانتويدا جەڭىسكە جەتكەن ەرجان قازاقستان رەسپۋبليكاسى بەلبەۋ كۇرەسىنەن سپورت شەبەرى اتاعىن اتاعىن الدى.  

مىنە، «تاۋداي تالاپ بەرگەنشە بارماقتاي ب ا ق بەر» دەگەن وسى شىعار. بىزدە بوز كىلەمنىڭ ۇستىندە باعى جانعان ەرجان باۋىرىمىزعا باعىڭ جانا بەرسىڭ دەمەكپىز.

اكادەميانىڭ باسپا ءسوز حاتشىسى مەيرام وسپانوۆ،

قوستاناي قالاسى

فوتونى تۇسىرگەن: ر. سوۆەتقازين