تايلاندتا اۋىر قىلمىس جاساعان ءۇش قىز جۇلدىزعا اينالدى. ولار تۋرالى شەتەلدىك ب ا ق جارىسا جازۋدا، دەپ حابارلايدى Qamshy.kz اقپارات اگەنتتىگى Life.ru سايتىنا سىلتەمە جاساپ.

24 جاستاعى پريانۋح نونۆانگچاي ەكى قۇربىسىمەن بىرگە كاراوكە-باردا جۇمىس ىستەگەن قىزدى اياۋسىز ولتىرگەن. كەيىننەن ونىڭ دەنەسىن ەكىگە ءبولىپ، كومىپ تاستاعان.

قىزداردىڭ بۇل قىلمىستارى اشكەرە بولىپ، ولار قولعا ءتۇستى. تەرگەۋ بارىسىندا وزدەرىنىڭ قىلمىستارىن مويىنداپ، وقيعانىڭ ءمان-جايىن ايتىپ بەرگەن.

قولعا تۇسكەن ءۇش قىزدىڭ ءبىرى جىگىتىنىڭ ەسىرتكى ساۋداسىمەن اينالىسقاندىعى ءۇشىن تۇتقىندالعاندىعىن ەستىگەننەن سوڭ اشۋىن كىمنەن الارىن بىلمەي، كوزىنە كورىنگەن قىزعا تاپ بەرگەن. ونى قىلقىندىرىپ ءولتىرىپ، دەنەسىن ەكىگە ءبولىپ تاستاعان.

پريانۋح نونۆانگچايگە ءوزىنىڭ ەكى قۇربىسى – 25 جاستاعى كاۆيتا راچادا مەن 28 جاستاعى اپيوۋنت ساتايابۋنديت كومەكتەسكەن.

تايلاند جۇرتى قىلمىسكەر قىزداردىڭ سۇلۋلىعىنا سۇقتانىپ، ولاردىڭ سۋرەتتەرىن جابىستىرىپ ءتۇرلى سۋۆەنير، مۇسىندەر جاساپ، ساتىلىمعا قويعان. ول قىزداردىڭ پوليسيا بولىمىندە كۇلىپ، تەرگەۋ الدىندا ماكياج جاساپ وتىرعان سۋرەتتەرى ينتەرنەت جەلىسىندە كەڭىنەن تارالىپ كەتتى.