ەلوردادا «شىعىس جانە باتىس: مەملەكەتتىك ەرميتاج جينالىمىنان كونە قارۋ-جاراق» كورمەسىنەن يمپەراتورلاردىڭ سايىس قىلىشتارى مەن سەرىلىك ساۋىت-سايمانداردى، قانجارلاردى كورۋگە بولادى، دەپ جازادى Qamshy.kz اقپارات اگەنتتىگى. بۇل تۋرالى قالا اكىمدىگىنىڭ مەديا ورتالىعى حابارلادى.

«كورمەگە قارۋ-جاراق ونەرىنىڭ ۇزدىك تۋىندىلارى قويىلعان. ەكسپوزيسيادا 70-تەن استام جادىگەر: تۇركيا، يران، ءۇندىستان، جاپونيا، فرانسيا، يتاليادان جانە دە وزگە مەملەكەتتەردەن جاۋىنگەرلىك، اڭشىلىق، شەرۋلىك قارۋلار جەتكىزىلدى»، - دەپ ءمالىم ەتتى ق ر ۇلتتىق مۋزەيىنىڭ ەكسكۋرسيالىق قىزمەت كورسەتۋ ءبولىمىنىڭ ادىسكەرى قۇمار ءجۇنىسوۆ. 

«كورمەنىڭ جىلنامالىق شەگى قارۋ-جاراق قولونەرىنىڭ 400-دەن استام جىل بويعى دامۋ تاريحي كەزەڭىن - XV عاسىردان XIX عاسىر سوڭىنا دەيىن قامتيدى»، - دەدى ق.ءجۇنىسوۆ.

كورمە قارۋلاردىڭ دامۋ تاريحىنان جانە ولاردى جاساۋشى شەبەرلەردىڭ تالانتىنان سىر شەرتەدى.

«جادىگەرلەرلىڭ اراسىندا ەرەكشە قارۋ بار - ول ناپولەون بوناپارتتىڭ سەمسەرى. ونى ول يمپەراتور ءى الەكساندرعا تيلزيتتىك بەيبىتشىلىك كەلىسىمىنە قول قويۋ كەزىندە سىيعا تارتقان»،- دەپ اتاپ ءوتتى ءجۇنىسوۆ. قارۋ-جاراق ونەرىنىڭ ەكسپوزيسياسى حالىقارالىق ەكسپو كورمەسىنىڭ وتۋىنە ورايلاستىرىلعان جانە 20 قىركۇيەككە دەيىن جالعاسادى.  

شولۋشى: گۇلىم جاقانن