بۇگىن ورتالىق كوممۋنيكاسيالار قىزمەتىندە كاراتە-دو بويىنشا وتەتىن ەرەسەكتەر اراسىنداعى XIV ازيا چەمپيوناتى جانە كادەتتەر مەن جاستار اراسىنداعى XVI ازيا چەمپيوناتىنا ارنالعان بريفينگ ءوتتى، دەپ جازادى Qamshy.kz اقپارات اگەنتتىگى.
شارانىڭ باس اقپاراتتىق دەمەۋشىسى - قازاقستان» رترك» اق.
شاراعا «قازاقستان» رترك اق باسقارما ءتوراعاسى ەرلان قارين، ق ر كاراتە-دو فەدەراسياسىنىڭ ۆيسە-پرەزيدەنتى ساناۋوۆ جاستالاپ ءابدىقاني ۇلى، بۇكىلالەمدىك كاراتە-دو فەدەراسياسىنىڭ پرەزيدەنتى انتونيو ەسپينوز، بۇكىلالەمدىك كاراتە-دو فەدەراسياسىنىڭ باس حاتشىسى ناگۋرا توشيحيسا قاتىستى.
استانادا «ەكسپو-2017» حالىقارالىق مامانداندىرىلعان كورمەسى اياسىندا كاراتە-دو وليمپيادالىق سپورت ءتۇرى بويىنشا 13-16 شىلدە ارالىعىندا ازيا چەمپيوناتى وتەدى. بۇل بايراقتى باسەكەگە 30-دان اسا ەلدىڭ 700-دەن استام ۇزدىك سپورتشىلارى ب ا ق سىناسادى دەپ جوسپارلانىپ وتىر. ازيا بىرىنشىلىگى ەلىمىزدە تۇڭعىش رەت وتەتىنىن اتاپ وتكەن ءجون. بۇعان دەيىن مالايزيا، سينگاپۋر، جاپونيا مەن جۇڭگو سىندى الپاۋىت مەملەكەتتەردە ۇيىمداستىرىلعان. بۇدان بولەك، بۇل كونتينەتتىك چەمپيوناتتا رەيتينگتىك ۇپايلار بەرىلەدى. ياعني، توكيو-2020 وليمپيادا ويىندارىنا سپورتشىلارلدىڭ ۇپاي جيناۋعا مۇمكىندىكتەرى بار.
سونىمەن قاتار، كاراتە-دودان قازاقستاننىڭ ۇلتتىق قۇراماسىنان الەم جانە ازيا چەمپيوندارى مەن جۇلدەگەرلەرىنەن قۇرالعان 70 ۇزدىك سپورتشى ەل نامىسىن قورعايتىن بولادى. ولاردىڭ اراسىندا كادەتتەر مەن جاستار اراسىندا الەم چەمپيونى، ازيا ويىندارىنىڭ چەمپيونى جانە ءۇش دۇركىن ازيا چەمپيونى ساعىندىقوۆ ريناتتا بار. ونىڭ جالپى ۇپاي سانى – 1215. ول 67 كەلى سالماقتا ءوز شەبەرلىگىن كورسەتپەك.
«قازاقستان» رترك اق قۇرامىنا كىرەتىن «Kazsport» تەلەارناسى 13-16 شىلدە ارالىعىندا وتەتىن جارىستى جان-جاقتى ناسيحاتتاۋعا اتسالىسپاق. جاڭالىقتار قىزمەتى ارنايى سيۋجەتتەر ازىرلەيدى.
ال، 16-شىلدە كۇنى 19 شىلدە كۇنى، ساعات 20:40-تا «Kazsport» تەلەارناسىنىڭ ەفيرىندە ازيا چەمپيوناتىنىڭ فينالدىق كەزدەسۋلەرى كورسەتىلەتىن بولادى.
ەستەرىڭىزگە سالا كەتسەك، 2016 جىلدىڭ 3 تامىزىندا ريو-دە-جانەيروداعى وليمپيادا كوميتەتىنىڭ وتىرىسىندا «WKF كاراتە-دو» 2020 جىلى توكيو وليمپياداسىندا كورسەتىلگەن وليمپيادالىق سپورت تۇرلەرىنىڭ تىزىمىنە ەنگەن بولاتىن.
پىكىر قالدىرۋ