پاۆلوداردا 13 جاستاعى اننا سابۋروۆا ىزدەستىرىلىپ جاتىر. اتا-انالارىنىڭ ايتۋىنشا، قىز بالا تورت ساتىپ الۋعا كەتىپ، قايتىپ ورالماعان، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ. 

"كەشە، 12 شىلدەدە جولداسىممەن ۇيلەنۋ مەرەيتويىمىز بولدى. قىزىم تاڭەرتەڭنەن باستاپ، كەشكە توسىنسىي بولاتىنىن ايتتى. ءۇيدى شارلارمەن بەزەندىردى. ساعات ءۇش كەزىندە ول تورت الۋعا كەتتى، سودان كەيىن جاتتىعۋعا بارۋى كەرەك بولعان. انيا بوكسپەن شۇعىلدانادى. الايدا ول باپكەرىنە حابارلاسىپ، وتباسىلىق مەرەيتويعا دايىندالۋ ءۇشىن سۇرانىپ كەتكەن ەكەن. ساعات جەتىدە اكەسى قوڭىراۋ شالدى، قىزىمىز ءتاتتى نانعا بارا جاتقانىن جانە جاقىن ارادا بولاتىنىن ايتتى"، - دەيدى قىزدىڭ اناسى وكسانا سابۋروۆا. 

قىزدىڭ اتا-اناسى ونىڭ قۇربىلارىنا، تانىستارىنا حابارلاسقان، سونىمەن قاتار پوليسياعا بارىپ ارىز بەرگەن. قىز بالانىڭ تەلەفونى ءسوندىرۋلى، الەۋمەتتىك جەلىگە كىرمەگەن. قىزدىڭ وزىنەن ۇلكەن تانىس جىگىتى بولۋى مۇمكىن. 

"قىزىمىز ەش ۋاقىتتا جاتتىعۋدان قالعان ەمەس. بۇل جولى دا ۇيدەن شىعاردا سومكەسىن الىپ كەتتى. نەگە دايىندىقتان باس تارتقانى بەلگىسىز"، - دەدى سابۋروۆا. پوليسەيلەرمەن بىرگە جەرگىلىكتى ەرىكتىلەر قىزدى ىزدەستىرىپ جاتىر. 

قىز بالا قالاداعى مەكتەپتەردىڭ بىرىندە وقيدى. 4 شىلدەدە ونىڭ جاسى 13-كە تولعان. جوعالىپ كەتكەن كۇنى ول قارا دجينس، كوك ءتۇستى جەيدە مەن قارا ماكاسين كيگەن. سونىمەن قاتار، ونىڭ قارا سومكەسى بولعان.