كەزەكتى تاۋلى قاراباحتاعى سوعىستىڭ سالدارىنان قازا تاپقان ءازىربايجاندىق كەمپىر مەن ونىڭ كىشكەنتاي نەمەرەسى قازاقستاندىقتاردى بەيجاي قالدىرا المادى. قازاق ازاماتتارى ءازىربايجاننىڭ جاعىنا شىعىپ، ولارعا قولداۋ كورسەتۋگە بەل بايلادى، دەپ حابارلايدى Qamshy.kz اقپارات اگەنتتىگى haqqin.az سايتىنا سىلتەمە جاساپ.

ەستەرىڭىزگە سالا كەتسەك، وتكەن جىلدىڭ ءساۋىر ايىندا قازاقستاندىقتار الەۋمەتتىك جەلى ارقىلى باۋىرلاس ەلگە قولداۋ كورسەتىپ قانا قويماي، كەيبىر قازاقتار باكۋگە بولىسىپ، ءوز ەركىمەن سوعىسقا اتتانۋ ءۇشىن وتانداستاردى ءازىربايجان ەلشىلىگىنە بارۋعا شاقىرعان بولاتىن. ارمەنيالىقتار «ۇقشۇ اياسىندا ەريەۆاننىڭ وداقتاسىنا» اشۋلى تۇردە جاۋاپ بەرىپ، ءتىپتى،  ۇكىمەتتى شاقىرىپ، قازاقستان ەلشىسىن قۋىپ جىبەرۋگە شاقىرعان.

الايدا، قازاقستان بيلىگى باۋىرلاس ەلدەگى كوپتەگەن ادامداردىڭ ولىمىنە سەبەپشى بولىپ وتىرعان قاقتىعىستارعا الاڭداۋشىلىق ءبىلىدىرىپ، ولاردىڭ بەيبىت جولمەن شەشىلۋىن قالايدى. بۇل جايىندا بىرنەشە وتاندىق ساياساتكەرلەر مەن ساراپشىلاردىڭ پىكىرىن ۇسىنامىز.

«قازاقستان قوعامى ءازىربايجاننىڭ جاعىنا شىعىپ وتىر. مۇنى بايقاۋ قيىن ەمەس. مۇنىڭ ءبىرىنشى سەبەبى: مادەني جانە تىلدىك جاعىنان تۋىستىق جاقىندىق بولىپ تابىلادى. ارينە، الەمدىك ساياسات ماسەلەسىندە كەز كەلگەن ەلدىڭ ۇستانىمىنا ۇلتتىق مۇددەلەرگە قاتىستى پراگماتيكالىق كوزقاراستار اسەر ەتەدى. الايدا، قاراباح ماسەلەسىندە قازاقستان بيلىگىنىڭ قىزمەتتىك جاعدايىن دامىتۋدا قوعامدىق كوڭىل-كۇي ماڭىزدى ءرول اتقارادى. ياعني، بۇل ورايدا، استانانىڭ رەسمي ۇستانىمى قازاقستان قوعامىنداعى كوڭىل-كۇيمەن بىردەي بولىپ وتىر. ال كىشكەنتاي بالا قازا تاپقان سوڭعى اتىستان سوڭ قازاقستان ءىىم ءوزىنىڭ ۇستانىمىن راستادى»، - دەيدى ساياساتكەر سۇلتانبەك سۇلتانعالييەۆ.

ءازىربايجان اۋىلدارىنىڭ بىرىندە سوڭعى بولعان قاقتىعىستان كەيىن قازاقستاننىڭ ءىىم «استانا تاۋلى قاراباحتاعى قاقتىعىستار مەن جارىلىستارعا الاڭداۋشىلىق ءبىلدىرىپ وتىرعاندىعىن» مالىمدەدى.

«قازاقستان رەسپۋبليكاسى تاۋلى قاراباح قاقتىعىسىندا ىمىرالى شەشىم ىزدەۋ پروسەسىن قولدايدى جانە دە اتالمىش ماسەلەنى تۇبەگەيلى شەشىپ، قاقتىعىستاردى توقتاتۋ ءۇشىن مۇددەلى تاراپتاردىڭ سىندارلى كوزقاراس بىلدىرەتىندىگىنە ءۇمىتتى»، - دەپ مالىمدەدى ق ر ءىىم رەسمي وكىلى ءانۋار جايناقوۆ.

«بۇۇ قاۋىپسىزدىك كەڭەسىنىڭ جانە دە ۇقشۇ مۇشەسى رەتىندە قازاقستاننىڭ ۇستانىمى وزگەرگەن جوق. قاقتىعىستاردى بەيبىت جولمەن شەشۋ – ەكى ەلگە دە پايدا الىپ كەلەدى»، - دەپ حابارلاندى ق ر ىشكى ساياسات ۆەدومستۆوسىندا.

«قازاقستان ۇلتتىق قاۋىپسىزدىك شارت ۇيىمىنداعى مىندەتتەمەلەردە ارمەنيامەن ءوزارا تىعىز بايلانىستى بولعانىمەن، اتالمىش كەلىسىمشارتتا تەك ۇيىم مۇشەلەرىنىڭ ءبىرى شەتەلگە تىكەلەي اگرەسسيا بىلدىرسە عانا ارالاسۋىنا بولاتىندىعىن كورسەتكەن. ەگەر دە، قاقتىعىس «تاۋلى قاراباح رەسپۋبليكاسىنىڭ» اۋماعىندا بولماسا، ونى ارمەنياعا تىكەلەي جاسالعان قاستاندىق رەتىندە تۇسىندىرە المايمىز. بۇل رەتتە، اڭگىمە باسقاشا بولادى: قاقتىعىس وزگە ەلگە جاسالعان دەگەن تۇسىنىك تۋىندايدى»، - دەيى ساياساتكەر تالعات قالييەۆ.

سونىمەن قاتار، قالييەۆتىڭ ايتۋىنشا، قازاقستان بيلىگى ارمەنيا ەاەو-عا مۇشەلىككە كىرگەن كەزىندە، تاۋلى قاراباحتى ونىڭ قۇرامىنان شىعارىپ جىبەرۋدى تالاپ ەتكەن.

«سول سەبەپتى دە ءبىز تاۋلى قاراباحتى ارمەنيانىڭ يەلىگىندەگى جەر دەپ قاراستىرا المايمىز. كەزەكتى قاقتىعىسقا ۇقشۇ كۇشتەرىن جەتكىزۋگە تىرىسقان جاعدايدا، ماندات قازاقستاننان ارمەنيانىڭ جاعىنا شىعۋدى تالاپ ەتىپ وتىر دەپ ايتا المايمىز»، - دەيدى ساياساتكەر.

تالعات قالييەۆتىڭ ايتۋىنشا، كوپتەگەن قازاق ازاماتتارى قاراباحتاعى قاقتىعىسقا قاتىستى باۋىرلاس ەلدىڭ اۋىرتپالىعىن بىرگە كوتەرۋگە نيەتتى.

«سونىمەن قاتار، قازاقستاندى ءازىربايجان جاعىندا سوعىسقا قاتىسۋعا ەرىكتى توپتار بار ەكەندىگى راس. الايدا، زاڭسىز قارۋلى توپتار مەن باسكەسەرلەردىڭ قاتارىندا بولىپ، سوعىسقا اتتانۋ ءبىزدىڭ ەلىمىزدە زاڭمەن قۋدالاناتىنىن ەستەن شىعارماۋ كەرەك»، - دەيدى ساراپشى.

دايىنداعان: نازەركە لابيحان