باتىس قازاقستان وبلىسىندا ءىرى كولەمدە پارا العان ءبولىم باسشىسى ۇستالدى، دەپ حابارلايدى Qamshy.kz اقپارات اگەنتتىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتىنە سىلتەمە جاساي وتىرىپ.
«13 شىلدە كۇنى باتىس قازاقستان وبلىسى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ دەپارتامەنتى جالعان كاسىپكەرلىك فاكتىسى بويىنشا قىلمىستىق ءىستى توقتاتۋ ءۇشىن 25 ملن تەڭگە كولەمىندە پارانىڭ سوڭعى بولىگىن العاننان كەيىن بقو بويىنشا مكد ەتق قارجى سالاسىنداعى قۇقىق بۇزۋشىلىقتى تەرگەۋ باسقارماسى زاڭسىز ۇيىمداردى قارجىلاندىرۋعا قارسى ءىس-قيمىل ءبولىمىنىڭ باسشىسى ن.م. ۋرنالييەۆتى ۇستادى. پارانىڭ جالپى سوماسى 101 ملن تەڭگەنى قۇرايدى»، دەلىنگەن حابارلامادا.
كۇدىكتى ورال قالاسى ءىىد-نىڭ ۋاقىتشا ۇستاۋ وقشاۋلاعىشىنا قامالدى، سوتقا دەيىنگى تەرگەۋ جۇمىستارى جۇرگىزىلۋدە.
شولۋشى: ايگەرىم تاۋباي
پىكىر قالدىرۋ