فرانسيا پرەزيدەنتى ەممانۋەل ماكرون پاريجدە اقش پرەزيدەنتى دونالد ترامپتى قابىلداپ، ەكەۋى كەلىسسوزدەر جۇرگىزگەن، دەپ جازادى Qamshy.kz اقپارات اگەنتتىگى.

كەلىسسوز بارىسىندا ەممانۋەل ماكرون الەمدىك پروبلەمالاردى شەشۋدىڭ ءتۇرلى جولدارىنا ءمان بەرىپ، ورتاق پوزيسيالارعا نازار اۋداردى.

دونالد ترامپ ەركىندىككە قول جەتكىزۋدە فرانسيانىڭ تاريحي ءرولىن اتاپ ءوتتى. سونداي-اق ەكى مەملەكەتتىڭ ىنتىماقتاستىعى مەن دوستىق قارىم-قاتىناسىنا دا توقتالدى.

جۇما كۇنى دونالد ترامپ فرانسياداعى ۇلتتىق مەرەكەگە قاتىسپاق. ەلدە باستيليا كۇنى جانە ءبىرىنشى دۇنيەجۇزىلىك سوعىس كەزىندەگى امەريكالىق اسكەرلەردىڭ ەنگەندەرىنە 100 جىل تولۋى تويلانادى. جىل سايىنعى شەرۋگە فرانسۋزدىقتارمەن قوسا، امەريكالىق اسكەري قىزمەتكەرلەر دە قاتىسادى.

ءبىر جىل بۇرىن دونالد ترامپ  پاريجدەگى جاعدايدى تەرروريستەردىڭ كەسىرىنەن «باقىلاۋدان شىعىپ قالعان» دەپ باعالاعان. كەيىننەن دايش ۇيىمىنىڭ ەكستەرميستەرىنىڭ جاساعان شابۋىلى الەمدىك دەڭگەيدەگى تۋريستىك ورتالىق اتانعان پاريجگە كەرى اسەرىن تيگىزگەن دەپ بولجادى.

شولۋشى: گۇلىم جاقان