ايدىن قۇلسەيىتوۆ ق ر پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى قىزمەتىنە تاعايىندالدى، - دەپ حابارلايدى Qamshy.kz اقپاراتتىق اگەنتتىگى  اقورداعا سىلتەمە جاساپ.

«مەملەكەت باسشىسىنىڭ وكىمىمەن ايدىن جەڭىس ۇلى قۇلسەيىتوۆ قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى قىزمەتىنە تاعايىندالدى»، - دەلىنگەن اقوردانىڭ سايتىندا.

سونىمەن قاتار، مەملەكەت باسشىسىنىڭ وكىمىمەن ايانا توقتاعان قىزى ماناسوۆانىڭ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى قىزمەتىنەن بوساتىلعانى حابارلاندى. ايدىن جەڭىس ۇلى قۇلسەيىتوۆ - 1976 جىلى 9 شىلدەدە وسكەمەن قالاسىندا دۇنيەگە كەلگەن. شىعىس قازاقستان مەملەكەتتىك تەحنيكالىق ۋنيۆەرسيتەتىن، قازاقستان رەسپۋبليكاسى پرەزيدەنتى جانىنداعى مەملەكەتتىك قىزمەت اكادەمياسىن بىتىرگەن. جارناما جونىندەگى اگەنت، "جاننا" ءجشس-نىڭ مەنەدجەرى بولىپ قىزمەت اتقارعان.

1997-1999 جىلدارى - "ولجا" ءجشس-نىڭ باس مەنەدجەرى، ديرەكتورىنىڭ ورىنباسارى. 1999-2000 جىلدارى - "لاتيفا" ءجشس-نىڭ باس ديرەكتورى. 2000-2003 جىلدارى - وسكەمەن قالالىق يندۋستريا، ەكولوگيا جانە بايلانىس ءبولىمىنىڭ باس مامانى، ءبولىم باستىعى. 2004-2008 جىلدارى - قازاقستان رەسپۋبليكاسى يندۋستريا جانە ساۋدا مينيسترلىگى ستراتەگيالىق جوسپارلاۋ جانە جيىنتىق تالداۋ دەپارتامەنتى ديرەكتورى، ءبولىم باستىعى، باسقارما باستىعى، يندۋستريالدى ساياسات دەپارتامەنتىنىڭ ديرەكتورى. 2008 جىلى - قازاقستان رەسپۋبليكاسى ەنەرگەتيكا جانە مينەرالدى رەسۋرستار مينيسترلىگى ستراتەگيالىق جوسپارلاۋ جانە سالاارالىق رەتتەۋ دەپارتامەنتىنىڭ ديرەكتورى.

 2008-2009 جىلدارى - قازاقستان رەسپۋبليكاسى پرەزيدەنتى اكىمشىلىگى الەۋمەتتىك-ەكونوميكالىق مونيتورينگ ءبولىم مەڭگەرۋشىسىنىڭ ورىنباسارى. 2009-2012 جىلدارى "ۇلتتىق يننوۆاسيالىق قور" اق باسقارما ءتوراعاسى. 2012 جىلدىڭ مامىر ايىنان 2014 جىلدىڭ مامىرىنا دەيىن "تەحنولوگيالىق دامۋ جونىندەگى ۇلتتىق اگەنتتىك" اق باسقارماسىنىڭ ءتوراعاسى بولدى.

شولۋشى: اسەل بولات قىزى