شىلدەنىڭ 13ء-ى كۇنى يتاليانىڭ ميلان قالاسىندا وبلىس اكىمى التاي كولگىنوۆ باستاعان باتىسقازاقستاندىق دەلەگاسيانىڭ قاتىسۋىمەن بيزنەس-فورۋم ءوتتى. ەلباسىنىڭ رەسپۋبليكامىزعا ينۆەستيسيا تارتۋ جونىندەگى تاپسىرماسىنا سايكەس ۇيىمداستىرىلعان فورۋمعا «قپو ب. ۆ.» كومپانياسىنىڭ جانە  يتاليانقازاق ساۋدا پالاتاسىنىڭ وكىلدەرى قاتىستى. بۇل تۋرالى Qamshy.kz وبلىس  اكىمىنىڭ  باسپا ءسوز  قىزمەتىنە سىلتەمە جاساپ حابارلايدى. 

شاراعا  كەلگەن ينجي­-نە­رينگپەن، مۇنايگاز سالاسىنا قۇرال-جاب­دىق شىعارۋمەن اينالىساتىن يتالياندىق ءىرى كومپانيالاردىڭ باس­شىلارىنا باتىس قازاقستان وب­لىسى ەكونوميكاسىنىڭ نەگىزگى سالالارى، ينۆەستيسيالىق الەۋە­ءتى، ءوڭىردى مۇنايگاز كلاستەرىنە با­عىتتالعان ماشينا جاساۋ ورتا­لىعىنا اينالدىرۋ تۋراسىنداعى ءىس-شارالارى  تانىستىرىلدى.

– مەملەكەت باسشىسى ءوز جولداۋىندا اۋىل شارۋاشىلىعى سالاسىن ەكونوميكانىڭ درايۆەرى­نە اينالدىرۋ قاجەتتىلىگىن ايتقان ەدى. ەلىمىزدىڭ باسقا وڭىرلەرىندەگى سەكىلدى بىزدە دە بۇل سالا جاقسى دامىعان. تابيعي، ەكولوگيالىق تا­زا ونىمدەردى شىعارۋعا مۇمكىندىك مول. ءسويتىپ، ەلىمىزدىڭ باتىس ايماعىنىڭ اگروونەركاسىپ ونىمدە­رىنە دەگەن سۇرانىسىن تولىعى­مەن قاناعاتتاندىرۋعا بولادى. سونىمەن قاتار ەاەو مەن ەو ەلدەرىنە دە ازىق-تۇلىك ەكسپورتىنىڭ كو­لەمى جىل وتكەن سايىن ارتىپ كەلەدى. بۇل باعىتتا شەتەلدىك ينۆەستورلار ءۇشىن ءتۇرلى جەڭىلدىكتەر قا^­راستىرىلعانىن دا ايتا كەتكىم كە­لەدى. سول سەبەپتى يتالياندىق كا­ءسىپ­كەرلەردى وسى سالاعا ينۆەستيسيا سالۋعا شاقىرامىن. جالپى، شەتەلدىك كومپانيالاردىڭ وب­لى­سىمىزعا ينۆەستيسيا سالۋعا قى­زى­عۋشىلىعى زور. وعان كابەلدى-سىم­دى ونىمدەر شىعارۋمەن اينا­لىساتىن كاسىپورىن، جىلىجاي شارۋاشىلىعىنىڭ قۇرىلىسى، زا­مان تالابىنا ساي كەلەتىن جاڭا قو­ءناقۇي سالۋ جوبالارى مىسال بولا الادى. رەسەيدىڭ بەس بىردەي گۋبەرنياسىمەن شەكتەسەتىن جانە جە­دەل قارقىنمەن دامىپ كەلە جات­قان وبلىسىمىزدا باسقا دا ءتۇرلى جوبالار بار.

بۇگىنگى شارانى پايدالانىپ، ءسىز­­دەردى جانە سىزدەر ارقىلى وزگە دە يتالياندىق كاسىپكەرلەردى ەل­ور­دامىزدا ءوتىپ جاتقان «ەكسپو –2017» كورمەسىن تاماشالاۋعا شا­قى­رامىن. سونىمەن بىرگە ورال قا­لاسىندا ءداستۇرلى تۇردە وتەتىن «WestKazInvest – 2017» فورۋمىنادا شاقىرعىم كەلەدى. وندا شەتەل­دىك قوناقتارعا وتاندىق كاسىپكەرلەرمەن كەزدەسىپ، ءوزارا پىكىر الماسۋ، جاڭا ءونىم تۇرلەرىن شى­عارۋ، بىرلەسكەن كاسىپورىن قۇرۋ تۋراسىندا كەلىسىممەن ۋاعدالاستىق جۇرگىزۋگە بارلىق جاعداي جاسالادى، – دەدى التاي سەيدىر ۇلى.

جيىن بارىسىندا وڭىرىمىزدەگى يندۋستريالدى ايماقتى دامىتۋ­عا يتالياندىقتار  دا ءوز ۇلەستەرىن قوسا الاتىندارى ايتىلدى. «قپو  ب. ۆ.» كومپانياسىنىڭ قاتىسۋىمەن جۇزەگە اسىرىپ جاتقان جوبانىڭ ءوڭىردى مۇنايگاز كلاستەرىنە باعىت­تالعان ماشينا جاساۋ ورتالىعىنا اينالدىرۋعا قوسار ۇلەسى زور.

فورۋمنان سوڭ وبلىس اكىمى يتا­لياندىق كومپانيا باسشىلارىمەن جەكە كەزدەستى. سونىڭ ناتيجەسىندە ءىرى ينۆەستورلار وبلىستىڭ بيزنەس الەۋەتىمەن جان-جاقتى تانىسۋ ءۇشىن اق جايىق وڭىرىنە ارنا­يى  باراتىندارىن  جەتكىزدى.

ايتا كەتۋ كەرەك، 2016-2017 جىلدارى وبلىس اكىمدىگىنىڭ قولداۋى­مەن مەملەكەتتىك جانە سالالىق باعدارلامالار اياسىندا وتاندىق ءوندىرىس ورىندارى جاڭعىرتىلىپ، جاڭا كاسىپورىندار اشىلۋدا. ولار­دىڭ ىشىنەن ورال ترانسفورماتور زاۋىتى بازاسىنداعى الەم­گە تانىمال «اۆۆ» ماركاسىنداعى ەلەكتر­قالقان قۇرىلعىلارىنىڭ، «كوندەنسات» اق بازاسىندا ەكو­لو­گيالىق كلاستى «ەۋرو-5» موتور مايىنىڭ جانە ورال ساۋدا-ونەر­كاسىپ كومپانياسى وندىرىستىك سەحتارىن جاڭعىرتىپ، جەتەكشى نەمىس تەحنولوگياسىن قوندىرۋدىڭ ارقا­سىندا پوليمەر قۇبىرلار شىعا­رۋ  ءوندىرىسىن  ايتۋعا  بولادى.