ميلان بيلىگى قوعامدىق ورىنداردا سەلفي تاياقشالارىن، سونىمەن قاتار شىنى ىدىستاردى قولدانۋعا تىيىم سالدى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

 جارلىققا سايكەس، شەتەلدەن كەلگەن تۋريستەرگە، جەرگىلىكتى تۇرعىندارعا دا «كەز كەلگەن شىنى بوتەلكەلەردى، كونتەينەرلەردى، سونداي-اق وتشاشۋ جانە سەلفي تاياقشالارىن ۇستاپ جۇرۋگە، ولاردى جەرگە قويۋعا» تىيىم سالىندى. تاعى ايتا كەتەتىنى جىلجىمالى ساۋدا مەن كوشەدە تاماق  ساتۋعا دا رۇقسات جوق. ميلان بيلىگى مۇنداي قادامعا قالانىڭ تازالىعىن ساقتاۋ ءۇشىن بارىپ وتىر.اقپارات قۇرالدارىنىڭ مالىمەتىنە  سايكەس، بۇل ەرەجە 13 تامىزعا دەيىن ەنگىزىلگەن. دەگەنمەن شاھار اكىمشىلىگى، قاجەت بولعان جاعدايدا، تالاپ مەرزىمىن ۇزارتۋى مۇمكىن ەكەندىكتەرىن جوققا شىعارمايدى.

شولۋشى: اقنۇر مۇحتارحان