استاناداعى  «Highvill» تۇرعىن ءۇي كەشەنىندەگى ورتتەن نازاربايەۆ ۋنيۆەرسيتەتىنىڭ مەديسينا مەكتەبىنىڭ پروفەسسورى قازا تاپقان، دەپ حابارلايدى Qamshy.kz اقپارات اگەنتتىگى جوو-نىڭ باسپا ءسوز قىزمەتىنە سىلتەمە جاساي وتىرىپ.

«نازاربايەۆ ۋنيۆەرسيتەتىنىڭ مەديسينا مەكتەبىنىڭ پروفەسسورى كەحيندە يلايدجا (نيگەريا) مەن ونىڭ وتباسىنىڭ (ايەلى - فۋنمي كەحيندە (ۇلىبريتانيا) جانە ەكى قىزى مودجوين كەحيندە (18 جاس) مەن گرەيس كەحيندە (8 جاس) قازا بولعانىن قايعىمەن حابارلايمىز»، - دەلىنگەن تارالعان حابارلامادا. 
ۋنيۆەرسيتەت وكىلدەرىنىڭ ايتۋىنشا، كەحيندە يلايدجا نازاربايەۆ ۋنيۆەرسيتەتىنىڭ مەديسينا مەكتەبىندە 2016 جىلدىڭ ماۋسىمىنان بەرى جۇمىس ىستەگەن. ول ۇلىبريتانياداعى لەستەر ۋنيۆەرسيتەتىندە مەديسينا دوكتورى دارەجەسىن العان جانە نيگەريا، ومان، كۋۆەيت جانە ۇلىبريتانيا ەلدەرىندە مەديسينا سالاسىندا 40 جىلدان اسا عىلىمي-زەرتتەۋ مەن ءمۇعالىم قىزمەتىن اتقارعان.  وسى جىلدار بويىندا ول جەتى عىلىمي-زەرتتەۋ گرانتىنىڭ يەگەرى بولعان. "نازاربايەۆ ۋنيۆەرسيتەتىنىڭ باسشىلىعى مەن ۇجىمى ورنى تولماس قازاعا بايلانىستى پروفەسسوردىڭ تۋىستارىنا، دوستارىنا جانە جاقىندارىنا كوڭىل ايتادى"، - دەلىنگەن جوو حابارلاماسىندا.