قازاقستان رەسپۋبليكاسى سىرتقى ىستەر ءمينيسترى قايرات ءابدىراحمانوۆ بىرىككەن اراب امىرلىكتەرىنىڭ دەنساۋلىق ساقتاۋ جانە الەۋمەتتىك قورعاۋ ءمينيسترى ابدۋلراحمان ال-ۋەيستى قابىلدادى دەپ حابارلايدى Qamshy.kz  اقپارات اگەنتتىگى قازاقستان رەسپۋبليكاسىنىڭ سىرتقى ىستەر مينيسترلىگىنىڭ رەسمي سايتىنا سىلتەمە داساي وتىرىپ.

سۇحباتتاستار پرەزيدەنت ن.ءا. نازاربايەۆتىڭ قاڭتاردا جانە ناۋرىزدا ءابۋ-دابي مەن دۋبايعا جاساعان ساپارلارىنىڭ، سونداي-اق وسى جىلدىڭ مامىرىندا ءباا سىرتقىساياسي ۆەدومستۆوسى باسشىسىنىڭ استاناعا ساپارىنىڭ قورىتىندىلارى مان-ماتىنىندەگى قازاقستان-امىرلىكتەر ىنتىماقتاستىعىنىڭ اعىمداعى جاعدايىن تالقىلادى. سۇحباتتاستاردىڭ پىكىرى بويىنشا ەكى مەملەكەتتە دە ارىپتەستىكتى، ونىڭ ىشىندە كولىك ينفراقۇرىلىمى، اۋىل شارۋاشىلىعى، دەنساۋلىق ساقتاۋ، مادەنيەت الماسۋ سالاسىنداعى ارىپتەستىكتى ودان ءارى نىعايتۋ ءۇشىن كەڭ مۇمكىندىكتەر بار. ءباا «ەكسپو-2017» كورمەسىنە بەلسەندى تۇردە قاتىسۋدا جانە «استانا» حالىقارالىق قارجى ورتالىعىن دامىتۋداعى ءوزارا ءىس-قيمىل وزەكتى ماڭىزعا يە بولىپ وتىر.

سونداي-اق قاتاردىڭ اينالاسىنداعى جاعداي، يسلام مەملەكەتتەرى ىشىندەگى پەرسپەكتيۆالىق جاقىنداسۋ، وڭىرلىك شيەلەنىستەردى رەتتەۋ، سونداي-اق تەرروريزم مەن ەكسترەميزمگە قارسى ءىس-قيمىل تۋرالى پىكىر الماسىلدى.

ق. ءابدىراحمانوۆتىڭ پىكىرىنشە، قازاقستان ءباا، ساۋد ارابياسى مەن قاتاردى قوسا العاندا، بارلىق اراب ەلدەرىمەن دوستىق قاتىناستار ورناتتى. مينيستر باۋىرلاس ەلدەر ءوز حالىقتارىنىڭ يگىلىگى ءۇشىن كەلىسپەۋشىلىكتەردى جەڭەتىنىنە جانە ديالوگ ارقىلى داعدارىستى رەتتەي الاتىنىنا سەنىمىن ءبىلدىردى.