جەر جاعدايىنىڭ شىندىعىن ىزدەگەن «شىندىق ەكسپەديسياسى» كەشە جولعا شىقتىق. بۇگىن كەرەكۋ ايماعىندا ءوز جۇمىسىمىزدى جالعاستىرىپ جاتىرمىز. «شىندىق ەكسپەديسياسىنىڭ» قۇرامى قازىرشە ءۇش ادام. جەتەكشىسى «جەر تاعدىرى» قوعامدىق قوزعالىسىنىڭ باسشىسى قايىرلى ومار، مەن-ايدىن ەگەۋبايەۆ جانە استانالىق بەلسەندى اسحات بورۋمبايەۆ. 

جەرگە بايلانىستى ماسەلە ەلىمىزدىڭ 14 وبلىسى، 160 اۋدانىندا دا بار دەپ ويلايمىز. بۇل جولعى ەكسپەديسيا ءوز مۇمكىندىگىنە قاراي بىرنەشە وبلىستاردى ارالايدى. ەرتەڭ نەمەسە ارعى كۇنى ناقتى ءجۇرىپ وتىراتىن مارشرۋتىمىزدى جاريالايمىز. بۇگىن كەرەكۋدىڭ بەلسەندىلەرىمەن كەزدەسىپ، قاراپايىم شارۋالاردىڭ جاعدايىمەن تانىسۋدامىز. 

بۇل وبلىستا دا شەتەلدىكتەردىڭ اۋىلشارۋاشىلىق نەمەسە وندىرىستىك، ءتىپتى جەكە تۇرعىن ءۇي جەرلەرىن العان جاعدايلارى كەزدەسەدى دەيدى. كەرەكۋدەگى شەتەلدىكتەردىڭ، ونىڭ ىشىندە جۇڭگو ازاماتتارىنىڭ قانشا ەكەنىن ءقازىر تاپ باسىپ ايتۋ قيىن. دەسەك تە، ەل اۋزىنداعى اڭگىمەگە قۇلاق ءتۇرىپ جاتىرمىز. 

بارلىق وبلىس، اۋدانداردىڭ بەلسەندىلەرى ءوز مۇمكىندىكتەرىنە قاراي جەر ماسەلەسىمەن اينالىسىپ، جەر تۋرالى اقپارات جيناسىن. ءبىز ەكسپەديسيا مارشرۋتىن جاريالاعاننان كەيىن سول ءبىز ءجۇرىپ وتەتىن ايماق، وبلىستاردىڭ بەلسەندىلەرىنىڭ اقپاراتتىق قولداۋ كورسەتۋىن سۇرايمىز. 

ەكسپەديسيا باستالدى، جەرگە قاتىستى شىنايى شىندىق، اينىماس اقيقات ىزدەپ جولعا شىقتىق، ءسات ساپار تىلەپ، قولداۋ بىلدىرىڭىزدەر. 

جەر تاعدىرى-ەل تاعدىرى! 
ءبىزدىڭ تەلەفوندار: قايىرلى ومار، ايدىن ەگەۋبايەۆ، اسحات بورۋمبايەۆ
+77054573515؛ 
+77015536948