ب ا ق وكىلدەرىنىڭ مالىمەتىنشە، ءابۋ باكرا ءال-باعدادي قازا تاپقان سوڭ ۇيىمدى دجالالۋدين ءال-تۋنيسي ەسىمدى ادام باسقارماق، دەپ جازادى Qamshy.kz اقپارات اگەنتتىگى.

قازاقستاندا، سونداي-اق وزگە دە مەملەكەتتەردە تىيىم سالىنعان دايش تەرروريستىك ۇيىمىنىڭ جاڭا باسشىسىنىڭ سۋرەتتەرى Al Arabiya تەلەارناسىنىڭ رەسمي سايتىندا جاريالانعان.

تەرروريستەردىڭ جاڭا باسشىسى بولۋى مۇمكىن دەگەن ادامنىڭ شىن ەسىمى – مۇحاممەد بەن سالەم ءال-اۋني، ول 1982 جىلى تۋنيستە دۇنيەگە كەلگەن. بالالىق شاعىندا فرانسياعا جەر اۋدارىلعان جانە ازاماتتىعى سول ەلگە ءتان. تۋنيستەگى ريەۆوليۋسيادان كەيىن وتانىنا ورالىپ، سول جەردەن سيرياعا اۋىستى. سيريادا تەرروريستەردىڭ قاتارىنا قوسىلىپ، «مانسابىن» جاسادى.

باق-تىڭ حابارلاۋىنشا، مۇحاممەد بەن سالەم ءال-اۋني ءال-باعداديدىڭ باس كومەكشىسى بولدى.

شولۋشى: گۇلىم جاقان