وڭتۇستىك كورەيا كحدر-عا بەيبىت كەلىسىمدەردى جالعاستىرۋ جونىندە ۇسىنىس تاستادى، دەپ جازادى Qamshy.kz اقپارات اگەنتتىگى. كەلىسسوزدەر وسى اپتادا باستالۋى مۇمكىن.
«ءبىز 21 شىلدە كۇنى تحونيلگاك عيماراتىندا سولتۇستىك كورەيامەن كەلىسسوزدەر جۇرگىزۋدى ۇسىنامىز. ماقساتىمىز – اسكەري شيەلەنىستى ارتتىراتىن دۇشپاندىق ارەكەتتەردى توقتاتۋ»، - دەدى وڭتۇستىك كورەيا قورعانىس ءمينيسترىنىڭ ورىنباسارى سۋ چو سۋك بريفينگ بارىسىندا.
ايتا كەتەيىك، اتالمىش كەلىسىم مەملەكەت باسشىسى مۋن چجە ينانىڭ گەرمانيادا وتكەن ۇلكەن جيىرمالىق سامميتىنەن كەيىن ايتقان ۇسىنىسىنان كەيىن مالىمدەلدى.وڭتۇستىك كورەيا باق-تارىنا سايكەس، وڭتۇستىك جانە سولتۇستىك كورەياداعى قىزىل كرەست ۇيىمدارىنىڭ اراسىنداعى بايلانىستى جالعاستىرۋ ۇسىنىلدى.
بۇدان بۇرىن تارالعان اقپاراتتارعا كوز جۇگىرتسەك، سولتۇستىك كورەيانىڭ يادرولىق قارۋعا ارنالعان ءپلۋتونييى بۇرىنعىعا قاراعاندا كوبىرەك. DW پورتالىنىڭ مالىمەتىنشە، 2016 جىلدىڭ قىركۇيەگى مەن 2017 جىلدىڭ ماۋسىمى اراسىندا كحدر يادرولىق وتىندى رەگەنەراسيالاۋدى كەمىندە ەكى رەت جۇزەگە اسىرعان.
