بۇگىن استانا قالاسى  «وتان انا» وتان قورعاۋشىلار الاڭىندا قازاقستان رەسپۋبليكاسى  ۇلتتىق ۇلانى 3660  اسكەري ءبولىمىنىڭ 80 جاس شاقىرىلىم جاۋىنگەرلەرى سالتاناتتى تۇردە اسكەري انت قابىلدادى دەپ حابارلايدى Qamshy.kz اقپارات اگەنتتىگى.

سالتاناتتى انت قابىلداۋ شاراسىنا ۇلتتىق ۇلان باس قولباسشىلىعى، ءوزارا ءىس-قيمىل جاسايتىن ورگانداردىڭ، استانا قالاسى اكىمشىلىگىنىڭ جەتەكشىلەرى، سونداي-اق ءدىن وكىلدەرى، ارداگەرلەر جانە ساربازداردىڭ  اتا-انالارى مەن تۋعان-تۋىستارى قاتىستى.

ەلباسى ن.نازاربايەۆ تاۋەلسىزدىك العاننان كەيىنگى قۇقىقتىق ءتارتىپتى قامتاماسىز ەتۋگە ءجىتى كوڭىل بولە وتىرىپ، ەگەمەندىك دەكلاراسياسى جاريالانعاننان كەيىن نەبارى 26 كۇننەن سوڭ مەملەكەتىمىزدە العاشقى كۇش-قۋات ورگانى رەتىندە ىشكى اسكەردى قۇرعان بولاتىن.

- ۇلتتىق ۇلاننىڭ جەكە قۇرامى العا قويىلعان تاپسىرمالاردى لايىقتى تۇردە ورىنداپ، جەكە ادام مەن ازاماتتىڭ كونستيتۋسيالىق قۇقىعىن، قاۋىپسىزدىگىن، قوعام قۇندىلىقتارىن، مەملەكەت تۇراقتىلىعى مەن تىنىشتىعىن قاۋىپ-قاتەرلەردەن جان-جاقتى قورعاۋ جولىنداعى جاۋاپتى قىزمەتتى ابىرويمەن اتقارىپ كەلەدى. بۇگىن  اسكەري انتتى ۇلتتىق ۇلان ساپىنا ەلىمىزدىڭ الماتى جانە اتىراۋ وبلىسىنان كەلگەن 80 جاس جاۋىنگەر قابىلدادى. اسكەري انت قابىلداعان ساربازدار جاۋىنگەرلى ءداستۇردى جالعاستىراتىنىنا سەنىمدىمىن،-دەيدى 3660 اسكەري ءبولىمىنىڭ كومانديرى پودپولكوۆنيك تاحير يسلاموۆ.

انت قابىلداۋ - وتانىڭا، حالقىڭا اقتىق دەمىڭ شىققانشا ادال بولۋ، ەل باسىنا سىن ساعات تۇسسە، وندا مويىماي كوتەرۋ، قاجەت بولسا، جان قيۋ دەگەن ءسوز. انت – ادالدىق رۋحى. حالقىمىز «انتتان اتتاعانى – اردان اتتاعانى»، - دەيدى.

ياعني، ادامزات نورمالارىنىڭ قالىپتاسقان شەگى ار بولسا، ونى بۇزۋ وپاسىزدىققا جاتادى. تالاي عاسىر حالقىنىڭ ەركىندىگىن سىرتقى جاۋلاردان قورعاعان قابانباي، بوگەنباي، ناۋرىزباي سىندى باتىر بابالارىمىزدىڭ، كەشەگى ءفاشيزمنىڭ وتىن وشىرگەن مايدانگەر اتالارىمىزدىڭ اماناتتاعان وتانىمىزدىڭ تاۋەلسىزدىگىن قىراعى كۇزەتۋ - ەڭ ۇلىق قىزمەت.