ق ر اقپارات جانە بايلانىس ءمينيسترى داۋرەن ابايەۆ ءوزىنىڭ فەيسبۋكتەگى پاراقشاسىندا قازاقستان ەرىكتىلەرىنە ارنالعان الەۋمەتتىك ۆيدەوروليكپەن ءبولىستى، دەپ حابارلايدى Qamshy.kz اقپارات اگەنتتىگى.
«بۇل الەۋمەتتىك روليك وزدەرىنىڭ قاجىرلى ەڭبەكتەرىمەن الەمدى كوركەيتكەن قازاقستاننىڭ بارلىق ەرىكتىلەرىنە ارنالادى»، - دەپ جازدى مينيستر.
ۆيدەوروليكتەن بوس ۋاقىتتارىن قايىرىمدىلىق ىستەرگە ارناعان ءار ءتۇرلى جاستاعى ادامداردى كورەمىز: جاستارى ۇلكەندەرگە جاردەم كورسەتىپ جۇرسە، ەگدە جاستاعى ادامدار اۋىر حالدەگى بالالاردىڭ كوڭىلىن كوتەرۋدە.
ايتا كەتەيىك، بۇدان بۇرىن داۋرەن ابايەۆ قازاقستاندا الەۋمەتتىك روليكتەر بازاسى قۇرىلعانىن حابارلاعان. حابار ارناسىندا جاريالانعان العاشقى روليك اتا-انانى قادىرلەۋگە ارنالدى.
