تۇركيا پرەزيدەنتى رەدجەپ تايىپ ەردوعان ءوزىنىڭ جاۋلارىنىڭ قاتارىندا دىندار-وپپوزيسيونەر فەتحۋللا گۇلەن مەن ونىڭ جاقتاستارىن جانە كۇردىستاننىڭ جۇمىسشىلار پارتياسى بار ەكەنىن مالىمدەدى دەپ جازادى Qamshy.kz اقپارات اگەنتتىگى  Reuters مالىمەتىنە سۇيەنىپ. 

"ءبىز فەتو-نىڭ (فەتحۋللا گۇلەننىڭ تەرروريستىك ۇيىمى) ارتىندا، كۇردىستان جۇمىسشىلار پارتياسىنىڭ ارتىندا كىمدەردىڭ تۇرعانىن جاقسى بىلەمىز. ءبىز الدىمەن نوكەرلەردىڭ كوزىن قۇرتپاي، كورولدار مەن شەيحتاردى جەڭە المايمىز. ءبىز بۇل ساتقىنداردىڭ باسىن الامىز"، - دەدى ەردوعان.

ول سونداي-اق، ەلدە ءولىم جازاسىن قايتا ەنگىزۋدى قوس قولداپ قولدايتىنىن دا مالىمدەدى. تەك، بۇل زاڭدى الدىمەن پارلامەنتتەگىلەر ماقۇلداۋى ءتيىس.

ەسكە سالايىق، تۇركيادا بىلتىر 15 شىلدە كۇنى مەملەكەتتىڭ اسكەرى توڭكەرىس جاساماق بولعان ەدى. الايدا، پوليسيا مەن حالىق بۇل ريەۆوليۋسيانى بولدىرماي، باسىپ-جانشىدى. سالدارىنان، 265 ادام قازا تاۋىپ، 1،5 مىڭدايى جارالاندى. ال، وسى جايتتان كەيىن فكەتحۋللا گۇلەنگە قاتىسى بار دەگەن كۇدىكپەن 6 مىڭنان استام ۇستالىپ، تۇرمەگە قامالدى. 7 مىڭ مەملەكەتتىك قىزمەتكەر جۇمىستان قۋىلدى.