شقو-دا 9 سىنىپ وقۋشىسى 50 جاستاعى ايەلدى كوشەدە زورلاماق بولعان، - دەپ حابارلايدى Qamshy.kz اقپاراتتىق اگەنتتىگى Tengrinews.kz-كە سىلتەمە جاساي وتىرىپ. زارداپ شەككەن ايەل پوليسياعا حابار بەرگەن. ايەلدى وقۋشى ءۇرجار اۋىلىندا زورلاماق بولىپتى.

«كامەلەتكە تولماعان بالا تۇنگى ۋاقىتتا كوشەلەردىڭ بىرىندە اۋىلداسىنا شابۋىل جاساپ، ونىمەن ينتيم بايلانىسقا تۇسكىسى كەلگەن. الايدا ايەل قۇتىلىپ شىققان. ءبىزدىڭ قىزمەتكەرلەر جەدەل ارەكەت ەتىپ، كۇدىكتىنى ءىزىن سۋىتپاي ۇستادى. ول الماتى وبلىسىنىڭ كامەلەتكە تلوماعان تۇرعىنى بولىپ شىقتى. ول مۇندا تۋىستارىنىڭ ۇيىنە كەلگەن. ءقازىر بالا تۋىستارىنىڭ ۇيىندە»، - دەدى وقو ءىىد وكىلدەرى. ءتارتىپ ساقشىلارىنىڭ مالىمەتىنشە، زورلاۋعا وقتالۋ دەرەگى بويىنشا سوتالدى تەرگەۋ باستالعان. كامەلەتكە تولماعان بالا ءۇشىن كەپىلاقى بەرىلگەن. بالا زاڭسىز ارەكەتىن مويىنداپ وتىر.