قازاقستان پرەزيدەنتى ەلىمىزگە ساپارمەن كەلىپ، «ەكسپو-2017» حالىقارالىق كورمەسىندە يسپانيا پاۆيلونىنىڭ اشىلۋىنا قاتىسقانى ءۇشىن ا.پاستورعا العىس ايتتى، دەپ جازادى Qamshy.kz اقپارات اگەنتتىگى.

– كورمەمىزدىڭ اشىلۋ سالتاناتىنا 17 شەت مەملەكەت جانە ۇكىمەت باسشىلارىمەن بىرگە، يسپانيا كورولى VI فەليپە دە قاتىسقان بولاتىن. ءبىز وسى ءىس-شارا اياسىندا جۇزدەستىك. اسا مارتەبەلى يسپانيا كورولى قازاقستانعا قىزىعۋشىلىق تانىتىپ، ءبىرقاتار ىسكەرلىك كەزدەسۋ وتكىزدى، – دەدى مەملەكەت باسشىسى.

نۇرسۇلتان نازاربايەۆ ەلدەرىمىز اراسىندا ەكىجاقتى دوستىق قارىم-قاتىناس ورناعانىن، ەكونوميكا مەن ساياساتتاعى بايلانىستارىمىز جەمىستى دامىپ كەلە جاتقانىن ايتىپ، حالىقارالىق كۇن تارتىبىندەگى ماسەلەلەر بويىنشا ۇستانىمدارىمىز ۇقساس ەكەنىنە توقتالدى.

– قازاقستانعا ساپارى كەزىندە اسا مارتەبەلى يسپانيا كورولىمەن بىرگە يسپانيانىڭ ىسكەر توپتار وكىلدەرى مەن ۇكىمەت مۇشەلەرى كەلدى. ولار قازاقستانداعى ارىپتەستەرىمەن جەمىستى كەلىسسوزدەر وتكىزدى، – دەدى قازاقستان پرەزيدەنتى.

مەملەكەت باسشىسى يسپانيا كورولى Vءى فەليپە مەن ۇكىمەتىنە جوعارى ماراپاتى ءۇشىن جىلى لەبىزىن جولداپ، كورول ءى حۋان كارلوس پەن ونىڭ جۇبايى سوفيا پاتشايىمعا اماندىق جانە تابىس تىلەدى.

يسپانيا كورولدىگى دەپۋتاتتار كونگرەسىنىڭ ءتورايىمى ەكى مەملەكەت اراسىندا دوستىق قارىم-قاتىناس ورناعانىن ايتىپ، يسپانيا دەلەگاسياسىنا ءداستۇرلى تۇردە قوناقجايلىق كورسەتكەنى ءۇشىن ريزاشىلىق ءبىلدىردى.

– مەن ءسىزدىڭ ەلىڭىزدى دامىتۋ مەن وركەندەتۋ جولىنداعى قىزمەتىڭىز، كۇش-جىگەرىڭىز تۋرالى العاش رەت يسپانيا كورولى ءى حۋان كارلوستان ەستىدىم. ءدال سول كەزدە يسپانيا كورولى ءى حۋان كارلوس قازاقستانداعى ارىپتەستەرىمىزبەن ىسكەرلىك بايلانىستار ورناتۋ قاجەتتىگىن ايتقان بولاتىن. بۇگىندە قازاقستان ءسىزدىڭ ارقاڭىزدا زور تابىسقا قول جەتكىزىپ وتىر، – دەدى ا.پاستور.

بۇدان بولەك، يسپانيا كورولدىگى دەپۋتاتتار كونگرەسىنىڭ ءتورايىمى قازاقستان پرەزيدەنتىنە يسپانيا كورولى وتباسىنىڭ جىلى لەبىزىن جەتكىزدى.