تۇرگەن اۋىلىندا 8 جاستاعى قىزدى زورلادى دەپ ايىپتالعان الماتى وبلىسى ەڭبەكشىقازاق اۋدانىنىڭ تۇرعىنى 38 جاستاعى داۆرون قوزىباعاروۆتىڭ ءىسى سوتقا جولداندى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"14 شىلدەدە ءىس ماتەريالدارى الماتى وبلىستىق مامانداندىرىلعان اۋدانارالىق قىلمىستىق ىستەر سوتىنا جىبەرىلدى. كۇدىكتى - قوزىباعاروۆ د.، 1985 جىلعى. سۋديا ءىستى بەس كۇننىڭ ىشىندە وندىرىسكە الادى، سول سەبەپتى سوت وتىرىسى ناقتى قاي كۇنگە بەلگىلەنگەنى بەلگىسىز"، - دەدى الماتى وبلىستىق سوت باسپا ءسوز قىزمەتىندەگىلەر.

ەسكە سالايىق، 2008 جىلعا ەڭبەكشىقازاق اۋدانىنداعى تۇرگەن اۋىلىنىڭ ماڭىندا شابۋىل جاسالعان بولاتىن. 32 جاستاعى جەرگىلىكتى تۇرعىن 8 جاستاعى قىزدى زورلاعىسى كەلدى دەگەن كۇدىكپەن ۇستالعان. ءقازىر ول ۋاقىتشا ۇستاۋ يزولياتورىندا. "قۇقىق قورعاۋ ورگاندارىنا قىزدىڭ اتا-اناسىنان 14 ساۋىردە كەشكى ۋاقىتتا ارىز ءتۇستى. ارىزدا ولار قىزدارىنا قاتىستى قۇقىققا قايشى ارەكەت جاسالعانىن ايتقان. قازىرگى ۋاقىتتا ق ر قىلمىستىق كودەكسىنىڭ 121-بابىنىڭ 4-بولىگى بويىنشا ("سەكسۋالدىق سيپاتتاعى زورلىق-زومبىلىق ارەكەتتەر") تەرگەۋ ءجۇرىپ جاتىر. تەرگەۋ شارالارىن ەڭبەكشىقازاق اۋداندىق ىشكى ىستەر ءبولىمى جۇرگىزىپ جاتىر. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ول ەڭبەكشىقازاق اۋدانىنىڭ 1985 جىلعى تۇرعىنى"، - دەپ حابارلاعان ەدى وسىعان دەيىن پوليسەيلەر. وبلىستىق ءىىد وكىلدەرى وسى ءىس بويىنشا بارلىق قاجەتتى ساراپتامانىڭ تاعايىندالعانىن حابارلادى.

ال كەيىن الماتى وڭىرلىك بالالار كلينيكالىق اۋرۋحاناسىنىڭ ديرەكتورى رولان نۇربايەۆ قىزدىڭ جاعدايىن ايتىپ بەرگەن ەدى. "قازىرگى ۋاقىتتا ول بىزدە ەم الىپ جاتىر، نەگىزگى دياگنوز باس سۇيەك ميى زاقىمدانعان، ميى شايقالعان، كوزى زاقىمدانعان. وعان نيەۆرولوگيالىق سالادا كومەك كورسەتىلىپ جاتىر. ءبىز پسيحولوگيالىق كومەك كورسەتىپ جاتىرمىز. پسيحولوگ كۇن سايىن ونىمەن جۇمىس ىستەيدى"، - دەپ حابارلاعان بولاتىن نۇربايەۆ.