ەۋروپالىق وداق حيميالىق شابۋىلدارعا بايلانىستى سيرياعا قارسى سانكسيالار ءتىزىمىن 16 ادامعا تولتىرۋى مۇمكىن، دەپ جازادى Qamshy.kz اقپارات اگەنتتىگى.
جەرگىلىكتى باق-تىڭ حابارلاۋىنشا، ەو ءسىم يدليبتەگى حيميالىق شابۋىلعا قاتىسى بار 16 سيريالىق عالىمدار مەن اسكەرلەرگە قارسى سانكسيا جۇرگىزبەك نيەتتە. ەو سانكسيالارى حيميالىق جانە بالليستيكالىق قارۋ جاسايتىن عالىمدارعا قاتىستى. 16 ادامنىڭ ناقتى اتى-جوندەرىنىڭ ءتىزىمى سەيسەنبى كۇنى ەو رەسمي جۋرنالىندا جاريالاناتىن بولادى.
ايتا كەتەيىك، 4 ساۋىردە سيريانىڭ سولتۇستىك-باتىسىنداعى يدليب پروۆينسياسىنىڭ كوتەرىلىسشىلەر باقىلايتىن حان-شەيحۋن قالاسىندا حيميالىق شابۋىل سالدارىنان قازا تاپقانداردىڭ سانى 72-گە دەيىن جەتتى – ونىڭ 20-سى بالالار، ال 17ء-سى ايەل ادامدار.
بۇدان بۇرىن اقش كونگرەسىندە رەسەي مەن كحدر-عا قارسى سانكسيالاردى بىرىكتىرۋ ۇسىنىلعان.
