نيگەريادا كالابار ەركىن ساۋدا ايماعىندا مۇناي قويماسى جارىلىپ 30 ادام قازا تاپتى. تاعى 30 شاقتىسى زارداپ شەككەن. بۇل تۋرالى Qamshy.kz اقپارات اگەنتتىگى شەتەلدىك باق-قا سىلتەمە جاساپ حابارلايدى.
مالىمەتتەرگە قاراعاندا، قويمانىڭ جارىلۋ سەبەبى، جەرگە شاشىلعان جانارمايعا جاقىن جەردە شىلىمنىڭ شەگۋى بولۋى مۇمكىن. ۇلكەن اۋماقتى الىپ كەتكەن جارىلىس ورىن العان كەزدە جۇمىسشىلار جانارمايدى كونتەينەرلەرگە قۇيىپ جيناپ جاتقان. كۋاگەرلەردىڭ ايتۋىنشا ۇلكەن جارىلىس ءبىر ادامنىڭ شىلىم شەگۋىنىڭ اسەرىنەن بولعان. ال تاعى ءبىر دەرەككە قاراعاندا، جارىلىس ءدال ءبىر جۇمىسشىنىڭ جانارمايدى ۇرلاپ بارا جاتقان ساتىندە ورىن العان. ورىن العان اپاتقا بايلانىستى تەكسەرۋ جۇمىستارى جۇرگىزىلۋدە.
