اقش پرەزيدەنتى دونالد ترامپتىڭ اسكەري اۆياسياسى كۇنىنە 12 ادامعا دەيىن ولتىرەدى. بۇل تۋرالى Qamshy.kz اقپارات اگەنتتىگى رەيتەر-گە سىلتەمە جاساپ حابارلايدى.
دونالد ترامپ تۇسىندا دايش مەملەكەتى باقىلايتىن اۋداندارعا اسكەريلەر شابۋىل جاساۋ كەزىندە زارداپ شەككەن بەيبىت تۇرعىنداردىڭ سانى وسكەن. قۇقىق قورعاۋ ورگاندارىنىڭ حابارلاۋىنشا، ترامپ بيلىككە كەلگەن 6 اي ىشىندە جۇرگىزىلگەن اۋە سوققىلارىنىڭ سالدارىنان 220 جازىقسىز ادام كوز جۇمعان. جالپى ءبىر ايدا 360 ءولىم تىركەلگەن.
بۇل وباما بيلىك ەتكەن جىلدارداعى كورسەتكىشپەن سالىستىرعاندا ەداۋىر كوپ. وباما تۇسىندا ايىنا 80 ازامات كوز جۇمعان ەكەن. دەمەك، ستاتيستيكا ترامپتىڭ تۇسىندا وبامەن سالىستىرعاندا جازىقسىز ادامداردىڭ كوبىرەك كوز جۇمعانىن دالەلدەيدى.
ساراپشىلاردىڭ پىكىرىنشە، بۇنىڭ سەبەبى اسكەري قيمىلداردىڭ ىسكە قوسىلۋىنان عانا ەمەس، بەيبىت تۇرعىندار اراسىنداعى باقىلاۋعا جاۋاپ بەرەتىن كواليسيانىڭ جۇمىسىنىڭ السىزدىگىنەن دە بولۋى مۇمكىن.
