كرەمل ۆلاديمير ءپۋتيننىڭ 2018 جىلعى پرەزيدەنتتىك سايلاۋ باعدارلاماسىن نەگىزدەيتىن «بولاشاقتىڭ بەينەسىن» جاساپ شىعارا الار ەمەس. بۇل جۇمىستىڭ ۇلكەن ەڭبەكپەن اتقارىلىپ جاتقانىن "حابارشىعا" پرەزيدەنت اكىمشىلىگىنە قاتىسى بار، ءارى بۇرىنعى فەدەرالدىق شەنەۋنىك حابارلاعان، دەپ جازادى Qamshy.kz اقپارات اگەنتتىگى.

باسىلىمنىڭ مالىمەتىنشە، «بولاشاقتىڭ بەينەسى» باعدارلاماسىنىڭ «دەلدالدارى» ءجيى اۋىستى: العاشىندا باعدارلاماعا تەلەجۇرگىزۋشى ۆالەريي فادەيەۆ جاۋاپتى بولدى، كەيىننەن ازاماتتىق قوعامدى دامىتۋ قورىنىڭ ديرەكتورى كونستانتين كوستين باسشىلىق ەتسە، ودان سوڭ «قوعامدىق وي» قورىنىڭ ديرەكتورى الەكساندر وسلون باعدارلامانى قولىنا الدى.

«بولاشاقتىڭ بەينەسى – بۇل ەكونوميكالىق، قوعامدىق جانە ساياسي باعدارلاما. فادەيەۆ قوعامدىق پالاتاعا اۋىسقاندىقتان، ءارى كوستيننىڭ قولىنان كەلمەگەندىكتەن ءبىراز قيىندىقتار بولعان. ال وسلون باعدارلاما نەگىزىندە الەۋمەتتىك زەرتتەۋ جۇرگىزەدى»، - دەپ ايتتى اكىمشىلىككە قاتىسى بار ادام.

ونىڭ ايتۋىنشا، پۋتينگە ارنالعان بولاشاقتىڭ بەينەسىمەن 10 شاقتى ۇيىم اينالىسۋدا: الەكسەي كۋدريننىڭ ستراتەگيالىق ورتالىعى، ممۋ-داعى ەكونوميكالىق فاكۋلتەتىنىڭ دەكانى الەكساندر اۋزان، سبەربانك پرەزيدەنتى گەرمان گرەف. جالپى كامپانياعا جاۋاپتى ادام رەتىندە اكىمشىلىك باسشىلىعىنىڭ ورىنباسارى سەرگەي كيريەنكونى اتادى.

«بولاشاقتىڭ بەينەسى» قىركۇيەكتىڭ اياعىندا دايىن بولۋى ءتيىس.

ۆلاديمير پۋتين ءتورتىنشى مەرزىمدىك پرەزيدەنتتىككە نيەتتى مە، جوق پا، بۇل جايىندا رەسمي مالىمدەمە جاساعان جوق. پرەزيدەنتتىك سايلاۋ الداعى جىلدىڭ ناۋرىزىندا وتەدى.