اتموسفەرالىق فرونتتاردىڭ وتۋىنە بايلانىستى قازاقستاننىڭ  باسىم بولىگىندە تۇراقسىز اۋا رايى ساقتالادى، جاڭبىر كۇتىلەدى، نايزاعاي بولادى، بۇرشاق جاۋۋى مۇمكىن، كەي جەرلەردە جەل كۇشەيەدى. سولتۇستىكتىڭ كەي جەرلەرىندە تۇندە جانە تاڭەرتەڭ تۇمان كۇتىلەدى.  تەك رەسپۋبليكانىڭ باتىس جانە وڭتۇستىگىندە  جاۋىن-شاشىنسىز اۋا رايى ساقتالادى، دەپ حابارلايدى Qamshy.kz اقپارات اگەنتتىگى قازگيدرومەتتىڭ مالىمەتىنە سۇيەنىپ.

اقمولا، سولتۇستىك  قازاقستان وبلىتارىنىڭ كەي جەرلەرىندە جەل 15-20 م/س كۇشەيەدى، تۇندە جانە تاڭەرتەڭ تۇمان بولادى. پاۆلودار، قاراعاندى، شىعىس-قازاقستان، قوستاناي، اقتوبە وبلىستارىنىڭ كەي جەرلەرىندە بۇرشاق جاۋۋى مۇمكىن، جەل 15-20 م/س كۇشەيدى.

كۇندىز اتىراۋ، باتىس-قازاقستان وبلىستارىندا، اقتوبە، ماڭعىستاۋ وبلىستارىنىڭ كەي جەرلەرىندە، الماتىدا قاتتى ىستىق كۇتىلەدى.

وڭتۇستىك-قازاقستان، كىزىلوردا وبلىستارىنىڭ باسىم بولىگىندە، باتىس-قازاقستان، اتىراۋ، اقتوبە، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە وتە جوعارى ءورت ءقاۋپى ساقتالادى.

استانا ق: كوشپەلى بۇلتتى، تاڭەرتەڭ جانە كۇندىز جاڭبىر جاۋادى، نايزاعاي، بۇرشاق بولۋى مۇمكىن.  جەل سولتۇستىك-باتىس، سولتۇستىكتەن سوعادى، كۇشى 9-14 م/س.  اۋانىڭ  تەمپەراتۋراسى تۇندە +11+13°س، كۇندىز +22+24°س بولادى

الماتى ق: كوشپەلى بۇلتتى، جاۋىن-شاشىنسىز. جەل 0-5 م/س. اۋانىڭ تەمپەراتۋراسى تۇندە +17+19°س، كۇندىز +28+30°س بولادى.