قىرعىزستان ورتالىق سايلاۋ كوميسسياسىنا قازىرگى ساتتە پرەزيدەنتتىك سايلاۋعا قاتىسۋ ءۇشىن 30 ءوتىنىش ءتۇستى، دەپ حابارلايدى Qamshy.kz اقپارات اگەنتتىگى قىرعىزستان رەسپۋبليكاسى وسك باسپا ءسوز قىزمەتىنە سىلتەمە جاساپ.

دەرەكتەرگە سايكەس، «تۇراقتى حالىق كەڭەسىنىڭ» ءتوراعاسى ازىمبەك بەكنازاروۆتان ءوزىن-وزى ۇسىنۋ جولىمەن پرەزيدەنت لاۋازىمىنا كانديدات رەتىندە تىركەۋ تۋرالى ءوتىنىش تۇسكەن. بۇگىندە ورتالىق سايلاۋ كوميسسياسىنا پرەزيدەنتتىككە ۇمىتكەرلەردەن 25 ءوتىنىش ءتۇستى: ن.نىشانوۆ، و.تەكەبايەۆ، ا.ابدىلدايەۆ، ب.دەگەنبايەۆ، س.سۇلتانيدينوۆ، ك.شارشەكەيەۆا، ت.ماسادىكوۆ، و.بابانوۆ، ر.قاراسارتوۆا، تۇرسىنباي باكير ۋۋلۋ، ز.مۇراتبەكوۆا، س.ەننازاروۆ، س.ابدراحمانوۆ، م.چولپونبايەۆ، ك.چورويەۆ، ا.سارتايەۆ، ك.بەشباكوۆ، ي.تروفيموۆ، م.جۇمابەكوۆ، ۋ.كوچكوروۆ، ن.مامەدوۆ، ر.جۋنۋسوۆ، شەريكۋل ۋۋلۋ ميرلان، ا.مالييەۆ جانە ءا.بەكنازاروۆ، تەمىر سارييەۆ «اق-شۇمقار» پارتياسىنان، باكىت توروبايەۆ «ونۋگۋۋ-پروگرەسس» ساياسي پارتياسىنان، تۇرسىنبەك اكۋن «ادام ۋكۋگۋ» ساياسي پارتياسىنان، اداحان مادۋماروۆ «ءبۇتۇن قىرعىزستان» ساياسي پارتياسىنان، سوورونباي جەەنبەكوۆ «قىرعىزستان سوسيال-دەموكراتيالىق پارتياسىنان».