قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت ماقساتى اكىمشىلىك ءىس جۇرگىزۋدى ەلەكتروندىق فورماتقا اۋىستىرۋ بولىپ تابىلاتىن ەلەكتروندىق حاتتامالاردى قۇرۋ جونىندەگى پيلوتتىق جوبانىڭ ىسكە قوسىلعاندىعى تۋرالى حابارلايدى، دەپ جازادى Qamshy.kz اقپارات اگەنتتىگى. بۇل تۋرالى ق ر ءىىم باسپا ءسوز قىزمەتى حابارلايدى.

جاسالعان جول ءجۇرۋ ەرەجەسى بۇزۋشىلىعىنىڭ حاتتاماسىن راسىمدەۋ ءۇشىن ادامنىڭ ءجسن-ىن ەنگىزسە جەتكىلىكتى، قالعانىن جۇيە ءوزى شىعارادى. 

«جىل سايىن ەلىمىزدە شامامەن 4 ميلليونداي اكىمشىلىك ءىس قوزعالدى. ولار بويىنشا 64 مەملەكەتتىك ورگان حاتتاما جاسايدى. سوتتاردان بولەك وسى ىستەردى 50 ۋاكىلەتتى ورگان قارايدى، ياعني وسى سالاعا بارلىق مەملەكەتىك اپپاراتتاردىڭ جانە ەلىمىزدىڭ ءاربىر ءتورتىنشى ازاماتىنىڭ قاتىسى بار. 2016 جىلى جالپى سوماسى 6 ملرد. تەڭگەدەن استام بولاتىن 3 ميلليون ايىپپۇل سالىنعان، ال بۇل بارلىق اكىمشىلىك ىستەردىڭ 75%-ى. دەمەك، بۇنىڭ ۇلكەن ۇلەسى ىشكى ىستەر ورگاندارىنا تيەسىلى. ەلباسى كەيىنگى جولداۋىندا سيفرلىق تەحنولوگيانى دامىتۋدى تاپسىردى. سوندىقتان، بۇگىنگى كۇنى ءبىز ق ر ىىم-مەن بىرلەسە وتىرىپ، حاتتامالاردى ەلەكتروندى راسىمدەۋ جوباسىن ىسكە قوستىق. ءبىرىنشى كەزەڭدە جول ءجۇرۋ ەرەجەلەرىنىڭ بۇزۋشىلىقتارىن عانا الامىز» - دەدى ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسپا ءسوز قىزمەتى. 

ەلەكتروندىق حاتتاما ايىپپۇلداردى تەزى ءارى ىڭعايلى راسىمدەۋگە مۇمكىندىك بەرەدى، ول ازاماتتىڭ جانە پوليسيا قىزمەتكەرىنىڭ ۋاقىتىن ۇنەمدەيدى، سونداي-اق پوليسيا قىزمەتكەرلەرىن قاعازباستىلىقتان شەكتەيدى. دەرەكتەر قورلارىمەن تىكەلەي بايلانىس جاساۋ قۇقىق بۇزۋشى، سونداي-اق كولىك قۇرالى تۋرالى بارلىق قاجەتى اقپاراتتى الۋعا، قۇقىق بۇزۋشىلىقتى جاساۋدىڭ قايتالانۋىن ەسكەرە وتىرىپ، ونىڭ دۇرىس سارالانۋىنا مۇمكىندىك بەرەدى.
  
ازاماتتار ءۇشىن جوبانىڭ تيىمدىلىگى:

    ايىپپۇلدى راسىمدەۋ كەزىندە ۋاقىتتى ۇنەمدەۋ (3-5 مينۋت).
    ايىپپۇلدى تولەگەننەن كەيىن قوسىمشا راستاۋ قاجەت ەتىلمەيدى. رەيستەن الىپ قالمايتىندىعىنا نەمەسە باسقا دا سانكسيالارمەن مازالامايتىندىعىنا سەنىمدى بولۋعا بولادى.

    ءىستى قوزعاعاننان بەرى ايىپپۇلدى تولەگەنگە دەيىنگى بارلىق مارتەبەلەر تۋرالى حابارلاما الۋ.
    راسىمدەۋ ايقىندىلىعى، تىركەۋدى بولدىرماۋ جانە پروسەستىك قۇقىقتاردىڭ ساقتالۋى.

مەملەكەت ءۇشىن جوبانىڭ تيىمدىلىگى:

    قاعاز جۇمىسىنان ارىلۋ.
    ءىستى قوزعاۋ جانە قاراۋ كەزىندە سىبايلاس جەمقورلىقتى جانە مانيپۋلياسيانى بولدىرماۋ.
    جازاسىز قالدىرماۋ، نولدىك توزىمدىلىك ءپرينسيپىن جۇزەگە اسىرۋ. جازا سالۋ جانە ونى ورىنداۋ مەرزىمدەرىن ساقتاۋ. ءىستى جوعالتۋ مۇمكىندىگىنىڭ بولماۋى.
    ايىپپۇلداردى ءوندىرۋدىڭ 80%-عا ارتۋى.
    پوليسيا قىزمەتكەرلەرى قارىزداردى كورە وتىرا، بىلمەيتىندەرگە ەستەرىنە سالىپ، تولەمەگەندەردى جازالايدى.

«اكىمشىلىك ءىس جۇرگىزۋلەردىڭ ءبىرىڭعاي ءتىزىلىمى» - جوعارى قاۋىپسىزدىك دەڭگەيدە قاعاز نۇسقانى تولىعىمەن الماستىراتىن، سيفلى اقپارات – اكىمشىلىك ىستەردىڭ ماتەريالدارىن ساقتاۋعا ارنالعان اقپاراتتىق جۇيە. بۇل رەتتە وسى جۇيەدە اكىمشىلىك ءىس جۇرگىزۋدى قوزعاعان ساتتەن باستاپ، سونىڭ ىشىندە فوتو، اۋديوجازبالار، بەينەسۋرەتتەر، سونداي-اق وزگە دە فايلدار جانە باعدارلامالىق ونىمدەردى قوسا العاندا الىنعان دالەلدەمەلەر تۋرالى بارلىق مالىمەتتەردى قوسۋعا مۇمكىندىك بەرەتىن ۇكىمنىڭ بارلىق شەكتەۋلەرىن الا وتىرىپ،  سالىنعان اكىمشىلىك جازانى ورىنداعان، اكىمشىلىك ايىپپۇلدى تولەگەن ساتكە دەيىنگى ارەكەتتەردىڭ الگوريتىمىن قامتيتىن اكىمشىلىك ءىستى قالىپتاستىرۋ قىزمەتى بار.