نەگىزى بىزگە دە "قازاق xاندىعى" سەريالىنىڭ جالعاسى رەتىندە تاريxي دۇنيەلەردى ءتۇسىرۋدى ۇزبەي جالعاستىرا بەرۋ كەرەك. تەك ءتۇسىرىپ قانا قويماي اقىرىنداپ ورتا ازيا ەلدەرى نارىعىنا شىعارۋدى قولعا الۋ قاجەت. بۇل دا ءبىر يدەولوگيا، وزگە مەملەكەتتەر xالقىنىڭ ساناسى مەن ەموسياسىندا قازاق xالقى تۋرالى جاقسى پىكىر مەن كوزقاراستاردىڭ قالىپتاسۋىنا ءوز سەپتىگىن تيگىزەتىن كەرەمەت قۇرال. ءبىز دە ءبىر زاماندارى الىپ مەملەكەت بولعان اق وردانىڭ مۇراگەرىمىز. قازاقستان 2030 جىلى ورتا ازيا بارىسىنا اينالادى دەگەن ستراتەگيالىق باعدارلامانىڭ سوناۋ 1997 جىلى قابىلدانۋىندا دا وسى تاريxي سانانىڭ ىقپالى جاتىر. 1997 جىلى ءوزىمىز قينالىپ جاتساق تا ورتا ازيادا ليدەر بولامىز دەگەن ءتاتتى ارمانىمىز بولدى. حالىقتىڭ وتكەن تاريxى ۇلتتىق كود ارقىلى ۇرپاققا بەرىلەتىنىن ەسكەرسەك، ەندى ءبىر 30-40 جىلدان كەيىن ۇرپاقتىڭ ءبىر بۋىنى اۋىسىپ، بالالارىمىز بيلىككە كەلگەندە ورتا ازيا اۋماعى قازاقستاننىڭ ستراتەگيالىق مۇددەسى بار تەرريتورياعا جاتادى دەگەن ءبىزدىڭ دە ايماقتىق دەرجاۆالىق سىرتقى ساياساتىمىز كۇن تارتىبىنە شىعۋى مۇمكىن. ول كۇنگە جۇمساق ساياسات جۇرگىزۋ ارقىلى كينو مەن مادەنيەت سالاسىندا ءوز تاريxىمىز مەن قۇندىلىقتارىمىزدى اقىرىن ناسيxاتتاپ، وزگەلەردىڭ ساناسىن قازىردەن دايىنداي بەرۋگە نە كەدەرگى؟.." دەپ سۇراق جولدايدى جەلى قولدانۋشىسى.