اقش يرانعا قارسى جاڭا سانكسيا ەنگىزبەكشى. يراننىڭ راكەتالىق باعدارلاماسىنا بايلانىستى ارەكەتىنە اق ءۇي وسىلاي جاۋاپ بەرمەك، دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە جاساپ.

«يراندى جاساعان ارەكەتتەرىنە بايلانىستى، سونىڭ ىشىندە بارلىق باعىتتاردا، راكەتا ماسەلەسىنە بايلانىستى جاۋاپكەرشىلىككە تارتۋ ماقساتىندا  جاڭا سانكسيا ەنگىزەمىز»- دەدى اق ءۇي وكىلى.

اق ءۇيدىڭ حابارلاۋىنشا، اقش پرەزيدەنتى مەن ونىڭ باس حاتشىسى يرانمەن جاساسقان «يادرولىق كەلىسىم» شارتىنىڭ جۇزەگە اسىرىلۋ ەسەبىندە يراندى اقش ءۇشىن اسا ءقاۋىپتى مەملەكەت ەكەنىن اتاپ كورسەتپەكشى. يراننىڭ سيريا پرەزيدەنتى باشار اسادتىڭ رەجيمىن قولداعانىن، يزرايلگە قاتىستى ساياساتى مەن تەرروريزمدى قولداۋى، اقش-قا قارسى كيبەرشابۋىل جاساعانى جانە ت.ب ءبىرقاتار ماسەلەلەر بويىنشا يراننىڭ جاۋلاستىق قارىم-قاتىناسىنىڭ باسىم ەكەندىگىن اتاپ ءوتتى.