«قازاقتەلەكوم» اق، فيسكالدىق دەرەكتەر وپەراتورى رەتىندە، «چەك تالاپ ەت – جۇلدە ۇت» اكسياسىن باستادى دەپ حابارلايدى Qamshy.kz اقپارات اگەنتتىگى.  جۇلدەلەردى ۇتىسىن ويناتۋ كۇندەلىكتى ساعات 16:00،  ەسكپو حالىقالارالىق كورمە اۋماعىندا «قازاقتەلەكوم» اق كورنەكىلىك قابىرعاسى الدىندا وتەدى.

قازاقستان رەسپۋبليكاسى ۇكىمەتىنىڭ 2014 جىلعى قاۋلىسى بويىنشا،   «قازاقتەلەكوم» اكسيونەرلىك قوعامى ورتاق پايدالانۋداعى تەلەكوممۋنيكاسيالار جەلىلەرى بويىنشا سالىق قىزمەتى ورگاندارىنا اقشالاي ەسەپ ايىرىسۋلار تۋرالى مالىمەتتەردى جەدەل رەجيمدە بەرۋدى قامتاماسىز ەتەتىن زاڭدى تۇلعا بولىپ تابىلاتىنىن ەسكە سالامىز.

اكسياعا قاتىسۋعا ەكسپو اۋماعىندا ورنالاسقان جانە www.oofd.kz  پورتالىندا تىركەلگەن باقىلاۋ-كاسسا ماشينالارىمەن بەرىلگەن چەكتەر قابىلدانادى. فدو جۇيەسىنە تيەسىلىگىن تەكسەرۋ ءۇشىن چەكتىڭ تومەنگى بولىگىندەگى قۇجاتتىڭ فيسكالدىق اقپاراتىن قاراۋ كەرەك. فدو بەلگىسى جوق چەكتەر جۇلدەلەر ۇتىس ويىنىنا قاتىسا المايدى.

«قازاقتەلەكوم» اق كورپوراتيۆتىك ساتۋ ديرەكسياسىنىڭ  يننوۆاسيالىق قىزمەتتەر قىزمەتىنىڭ باستىعى انۋار وتاربايەۆ: «چەك تالاپ ەت – جۇلدە ۇت» اكسياسى جوسىقسىز سالىق تولەۋشىلەردى انىقتاۋعا،  سونىمەن قاتار، ازاماتتىق بەلسەندىلىكتى جانە سالىق ساۋاتتىلىعىن دامىتۋ ماقساتىندا باعىتتالعان. بۇل اكسيانىڭ ءبىرىنشى كەزەڭى. جىلدىڭ اياعىنا دەيىن بۇكىل ەل كولەمىندە وتەتىن اكسيانىڭ ەكىنشى كەزەڭىن وتكىزۋ جوسپارلانۋدا» - دەپ ءتۇسىندىرىپ ءوتتى.

ۇتىس ويىنى تاۋلىك ىشىندە بەرىلگەن چەكتەردىڭ اراسىنان كەزدەيسوق تاڭداۋ جاساۋ ادىسىمەن جەڭىمپازدى تاڭداۋ ارقىلى جۇرگىزىلەدى.  بۇل رەتتە، كەز كەلگەن سوماعا بەرىلگەن چەك جەڭىس جەتكىزىپ، flash drive، powerbank جانە باسقا باعالى سىيلىقتاردى ۇتىپ الۋ مۇمكىندىگىن بەرەدى. EXPO — 2017 Astana كورمەسى اياسىنداعى جۇلدەلەر ۇتىسىن ويناتۋ كۇندەلىكتى ساعات 16:00-دە وتەدى.