مەملەكەت باسشىسىنىڭ جارلىعىمەن «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنا سايكەس قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك رىسكەلدى ۇلى جاقسىبەكوۆءتىڭ وكىلەتتىگى زەينەتكەرلىك جاسقا تولعان كۇننەن باستاپ 2022 جىلعى 26 شىلدەنى قوسا العانداعى مەرزىمگە دەيىن ۇزارتىلدى. بۇل تۋرالى اقوردا سايتى جاريالادى دەپ جازادى Qamshy.kz.

ەسكە سالساق، جاقسىبەكوۆ ءبىر اپتادان سوڭ زەينەت جاسىنا تولادى. 

ول 2016 جىلعى 21 ماۋسىمدا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.

پرەزيدەنت اكىمشىلىگىنىڭ باسشىسى ادىلبەك رىسكەلدى ۇلى 1954 جىلى 26 شىلدەدە قوستاناي وبلىسى، قارابالىق اۋدانىنىڭ ءبورىلى اۋىلىندا تۋعان.

1977 جىلى بۇكىلوداقتىق مەملەكەتتىك كينەماتوگرافيا ينستيتۋتىنىڭ (ماسكەۋ قالاسى) ەكونوميكا فاكۋلتەتىن بىتىرگەن، 1987 جىلى پلەحانوۆ اتىنداعى ماسكەۋ حالىق شارۋاشىلىعى ينستيتۋتىندا «ماتەريالدىق-تەحنيكالىق جابدىقتاۋدى ۇيىمداستىرۋشى» ماماندىعى بويىنشا قايتا دايارلاۋدان ءوتتى. ەكونوميكا عىلىمدارىنىڭ كانديداتى.

قازاق كسر مەمكينو جانە مەمجابدىقتاۋ جۇيەسىندە جۇمىس ىستەدى، ءبىرقاتار كاسىپورىنداردى باسقارعان.

1988-1995 جىلدارى «سەسنا» كوپسالالى كورپوراسياسىن باسقاردى.

1995 جىلى قازاقستان رەسپۋبليكاسى پارلامەنتىنىڭ سەناتىنا سايلاندى.

1996 جىلى – اقمولا وبلىسى اكىمىنىڭ ءبىرىنشى ورىنباسارى.

1997-2003 جىلدارى – استانا قالاسىنىڭ اكىمى.

2003-2004 جىلدارى – قازاقستان رەسپۋبليكاسىنىڭ يندۋستريا جانە ساۋدا ءمينيسترى.

2004-2008 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ باسشىسى.

2008 جىلعى قاڭتار مەن قازان ارالىعىندا – «نۇر وتان» حالىقتىق-دەموكراتيالىق پارتياسى ءتوراعاسىنىڭ ءبىرىنشى ورىنباسارى – قازاقستان رەسپۋبليكاسى پرەزيدەنتىنىڭ كەڭەسشىسى.

2008-2009 جىلدارى – قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى.

2009-2014 جىلدارى – قازاقستان رەسپۋبليكاسىنىڭ قورعانىس ءمينيسترى.

2014 جىلعى ءساۋىر مەن قازان ارالىعىندا – قازاقستان رەسپۋبليكاسىنىڭ مەملەكەتتىك حاتشىسى.

2014-2016 جىلدارى ءپا جەتەكشىلىنە كەلگەنگە دەيىن استانا قالاسىنىڭ اكىمى بولدى.

قازاقستان رەسپۋبليكاسى مەملەكەتتىك سىيلىعىنىڭ لاۋرەاتى.

«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ»، I، II جانە III دارەجەلى «بارىس»، III دارەجەلى «كنياز ياروسلاۆ مۋدرىي» (ۋكراينا) وردەندەرىمەن جانە مەدالدارمەن ناگرادتالعان.

توتەنشە جانە وكىلەتتى ەلشى ديپلوماتيالىق دارەجەسىنە يە.