2017 جىلدىڭ 7 تامىزىندا «قازاقستان» ۇلتتىق تەلەارناسىندا «مەن قازاقپىن» اتتى حالىقارالىق مەگاجوبانىڭ كۇندەلىكتەرى باستالادى دەپ حابارلايدى Qamshy.kz اقپارات اگەنتتىگى.
بۇل جوبانىڭ ماقساتى – رەسپۋبليكامىزدىڭ جانە باسقا ەلدەرگە قونىس اۋدارعان قانداستارىمىزدىڭ ءداستۇرلى انشى-تەرمەشى، كۇيشىلەرى ۇلتتىق ارنادا باس قوسىپ، ەلىمىزدىڭ تاڭداۋلى تۋىندىلارىن دارىپتەۋ ارقىلى اتادان-بالاعا ميراس بولىپ قالعان ءتول ونەرىمىز كۇي، جىر-تەرمەنى زامانعا ساي جاڭاشالاندىرىپ، بولاشاق ۇرپاققا كەڭىنەن تانىتۋ.
اۋقىمدى جوباعا ەلىمىزدىڭ 14 وبلىسىنان باسقا رەسەي فەدەراسياسى، جۇڭگو حالىق رەسپۋبليكاسى، مونعوليا مەن التايدا تۇراتىن قانداستارىمىز دا قاتىسقان بولاتىن.
سونىمەن، بارلىعى 675 ونەرپاز ب ا ق سىناسىپ، ىرىكتەۋ تۋرلارىنان "ەڭ ۇزدىك" دەپ تانىلعان 57 ۇمىتكەر رەسپۋبليكالىق تەليەۆيزيالىق بايقاۋعا جولداما الدى.
«مەن قازاقپىن» حالىقارالىق جوباسىنىڭ كۇندەلىكتەرىن «قازاقستان» ۇلتتىق تەلەارناسىنان تامىزدىڭ 7-نەن باستاپ ساعات 21:20-دا كورە الاسىزدار!
پىكىر قالدىرۋ