كحدر-نىڭ ءسىم باسشىسى لي ءون حو مانيلادا وڭتۇستىك كورەيالىق ارىپتەسى كان گون حۆامەن كەزدەستى. لي ءون حو سەۋلدىڭ ەكى جاقتى قارىم-قاتىناستى جاقسارتۋ تۋرالى ۇسىنىسىن قابىلداماي تاستادى دەپ حابارلايدى Qamshy.kz اقپارات اگەنتتىگى ءرونحاپ اگەنتتىگىنە سىلتەمە جاساپ.

ەكى ءمينيستردىڭ كەزدەسۋى شىعىس ازيا سامميتىنە قاتىساتىن جەرگىلىكتى مينيسترلەر كەزدەسۋى اياسىندا ءوتتى.

كان گون حۆاننىڭ وڭتۇستىك كورەيا پرەزيدەنتىنىڭ ەكىجاقتى قارىم-قاتىناستى تۇزەتۋ تۋرالى ۇسىنىسىن قابىل الۋعا شاقۋىرۋىنا لي ءون حو «وڭتۇستىك كورەياعا شىنايىلىق جەتىسپەيدى»، – دەپ جاۋاپ بەرگەن.   

بۇعان دەيىن وڭتۇستىك كورەيالىق كوشباسشى گەرمانياعا ساپارىندا كحدر مەن وڭتۇستىك كورەيا اراسىنداعى اسكەري وكىلدەر كەلىسسوزدەرىن قايتا جۇرگىزۋدى ۇسىنعان. وسىدان كەيىن سەۋل پحەنيانعا ناقتى ۇسىنىستار مەن كەلىسسوزدەر ۋاقىتىن بەلگىلەدى. الايدا سولتۇستىك كورەيا تاراپىنان وڭ قادامدار بولمادى.