قاراعاندى وبلىسىنداعى ءۇش اۋىلدىڭ - ششەرباكوۆسكوە، كييەۆكا جانە دالنەە اۋىلدارىنىڭ اتاۋلارى وزگەرتىلەدى، دەپ حابارلايدى Qamshy.kz  اقپارات اگەنتتىگى قازاقپاراتقا سىلتەمە جاساي وتىرىپ.

اۋىلداردىڭ اتاۋىن وزگەرتۋ تۋرالى شەشىمدى ونوماستيكالىق كوميسسيا قابىلدادى. ءۇش اۋىل نۇرا جانە وساكاروۆسكيي اۋداندارىندا ورنالاسقان. «بيىل كۇزدەن باستاپ نۇرا اۋدانىنداعى ششەرباكوۆسكوە اۋىلى – قاينار اۋىلى، كييەۆكا كەنتى – نۇرا اۋىلى، ال وسكاروۆسكيي اۋدانىنداعى دالنەە اۋىلى – امانقوڭىر دەپ اتالاتىن بولدى»، – دەدى قاراعاندى وبلىسى اكىمدىگىنىڭ باسپا ءسوز قىزمەتى.

قازىرگى ۋاقىتتا وبلىستىق تىلدەردى دامىتۋ جونىندەگى وناماستيكالىق باسقارما بولىمىندە اۋىل اتاۋلارىن وزگەرتۋ بويىنشا جوبالار ازىرلەنىپ جاتىر. ونىڭ ماقۇلدانۋى مەن بەكىتىلۋىنە ءبىر جارىم نەمەسە ەكى اي ۋاقىت جۇمسالادى. سونداي-اق، اتالعان كوميسسيا نۇرا اۋدانىنا قاراستى ءتۇرلى اۋىلدارداعى 45 كوشەنىڭ اتاۋىن وزگەرتۋگە شەشىم قابىلدادى.