كىشى تەحنولوگيالىق كومپانيالار 2 جىلدا 35%-عا ءوستى. الايدا كرەديت سالاسى قىسقارىپ كەلەدى. ءبىر جىلدا 24%، ءۇش جىلدا ەكى ەسەگە قىسقارعان دەپ جازادى Qamshy.kz اقپارات اگەنتتىگى قوعاممەن بايلانىس قىزمەتىنە سىلتەمە جاساپ.

جوعارى تەحنولوگيالى كومپانيالار – قازاقستاننىڭ جاڭا ەكونوميكاسىن قۇرۋداعى باستى درايۆەر. دەسەك تە، وتاندىق IT سالاسىنىڭ ماقساتتارىن ىسكە اسىرۋعا مۇمكىندىك جوق.

جوعارى قارقىنمەن ءوسىپ كەلگەن سالاعا جەرگىلىكتى قارجى اگەنتتىكتەرى كوپ نازار سالماي وتىر. ينۆەستورلار جاڭا تەحنولوگيانىڭ دامۋىنا قارجىنى كوپتەپ سالاتىن بولادى.

Gartnerءدىڭ بولجامىنا سايكەس، 2017 جىلى It سالاسىنا كەتكەن شىعىن 2016 جىلمەن سالىستىرعاندا 2،4% ارتادى.

قازاقستاندىق نارىقتا دا سۇرانىس بار. نارىقتىڭ مىقتى قاتىسۋشىلار سانى ارتىپ كەلەدى. سوڭعى ەكى جىلدا بەلسەندى IT-كومپانيا 35% ارتتى. 2012-2014 جىلدار ارالىعىنداعى كورسەتكىشكە نازار اۋدارساق، اپارات پەن بايلانىس كىشى كاسىپورىندارىنىڭ سانى 4،9% كوبەيدى. قازىرگى تاڭدا قازاقستاندا تىركەلگەن 66،5% اتالمىش كاسىپورىنداردىڭ بارلىعى بەلسەندى جۇمىس اتقارىپ كەلەدى. وتكەن بەس جىلمەن سالىستىرعاندا، بۇل – وتە جاقسى كورسەتكىش.

جەرگىلىكتى قارجى ينستيتۋتتارىنىڭ قارىم-قاتىناسى مەن قولداۋى – كرەديتتەردىڭ كوبەيۋ قارقىنىن كورسەتەدى.

ءقازىر بانكتەردىڭ اقپارات جانە بايلانىس سالاسىنداعى كاسىپورىندارعا بەرگەن قارىز الۋ مولشەرى – 10،9 ميلليارد تەڭگەنى قۇرايدى.

دەسەك تە، كرەديتتەۋ سالاسى سوڭعى 3 جىلدىڭ ىشىندە ەكى ەسەگە قىسقاردى. سوڭعى جىلدا كرەديتتەردىڭ سومماسى 24% قىسقاردى.