7 تامىزدىڭ تۇنىندە جانتۇرشىگەرلىك جول اپاتى ورىن الدى، دەپ حابارلايدى Qamshy.kz اقپارات اگەنتتىگى «موي گورود» پورتالىنا سىلتەمە جاساپ.

اتىراۋ-يندەر تاس جولىنان 165 كيلومەتر جەردە جەڭىل اۆتوكولىك پەن جۇك كولىگى سوقتىعىسىپ، ءىرى جول اپاتى ورىن الدى.

«وقيعا تۇنگى ساعات 12:00 شاماسىندا بولعان. «مەرسەدەس بەنس» ماركالى اۆتوكولىك قارسى بەتكە شىعىپ كەتىپ، «ماز 54 4008» ماركالى جۇك كولىگىنە كەلىپ سوعىلعان. اپاتتىڭ سالدارىنان جەڭىل اۆتوكولىك ورتەنىپ، ىشىندەگى ەكى جولاۋشى مەن كولىك جۇرگىزۋشىسى تىرىدەي جانىپ كەتكەن»، – دەپ حابارلادى اتىراۋ وبلىسىنىڭ ءىىد باسپا ءسوز قىزمەتى.

جۇك كولىگىنىڭ جۇرگىزۋشىسى بقو تۇرعىنى ەشقانداي زارداپ شەككەن جوق.

بەلگىلى بولعانداي، جەڭىل اۆتوكولىكتىڭ رولىندە اتىراۋ تۇرعىنى بولعان. ال، وزگە ەكى جولاۋشىنىڭ جەكە باسى ءالى انىقتالعان جوق.