وڭتۇستىك قازاقستان وبلىسىنىڭ بەس مىڭنان استام تۇرعىنى بار داربازا اۋىلىندا قارا حالىق جاپپاي اۋرۋعا شالدىعىپ جاتىر. بالالارىنىڭ باسى اينالىپ، مۇرىندارىنان قان كەتسە، تەكسەرۋدەن وتكەن قىرىق ايەلدىڭ ومىراۋىنان قاتەرلى ىسىكتىڭ بەلگىسى انىقتالعان. "كۇندىز دە، تۇندە دە دالاعا شىعۋدان قالدىق" دەپ اشىنعان قارا حالىق وسىنىڭ بارلىعىنا سەبەپ –اۋىل ىرگەسىندەگى شايىر وندىرەتىن زاۋىتتان شىعاتىن زياندى ءتۇتىن دەپ وتىر، دەپ حابارلايدى Qamshy.kz اقپارات اگەنتتىگى 31 ارناعا سىلتەمە جاساي وتىرىپ.
سارىاعاشتىڭ داربازا اۋىلىنىڭ تۇرعىندارى تۇنگى بىردەن تاڭ اتقانعانعا دەيىن سىرتقا شىققان كەز كەلگەن بالا ەرىكسىز جىلايتىنىن، ال كۇندىز تىنىسى تارىلعاننان مۇرنى قاناپ، باسى اينالۋى جيىلەدى دەپ وتىر. اياعى اۋىر كەلىندەردىڭ تۇسىك تاستاۋى بەلەڭ العان. التى جاسار بالاسىنىڭ اۋرۋعا شالدىققانىن ايتقان داربازالىق شولپان ۇكىبايەۆا، باسى اينالىپ قۇلاپ قالا بەرگەن ەكى بالاسىن اۋىلدان الىستاتىپتى. سىرتتان كەلگەن قوناقتار بولسا، جاعىمسىز يىستەن اپ-ساتتە مازاسى قاشاتىن كورىنەدى.
شولپان ۇكىبايەۆا، تۇرعىن:
– ال ءوزىمنىڭ التى جاسار بالام كادىمگىدەي، ماما سمولادان باسىم اۋىرادى دەپ مۇرنى قانايدى. اياپ كەتەسىڭ. مەنىڭ ءقازىر ەكى بالام، سەنبەسەڭىز اپارامىن، ءوزىمنىڭ شەشىمنىڭ ۇيىندە ءجۇر. ءتورت ايدان بەرى شەشەمنىڭ ۇيىندە ءجۇر.
بايان قۇلبولدييەۆا، تۇرعىن:
– مەنىڭ كەلىنىم مىنە، ەكى ەگىز بالاسىن ءتۇسىرىپ الدى. وسى سمولا دەپ.
ناعيما جارمەنتايەۆا، تۇرعىن:
– ءبىر جاقتان بىرەۋ قىدىرىپ كەلسە، كادىمگىدەي لوقسىپ قۇسادى. سونى يىسكەگەن كەزدە.
ەڭ سوراقىسى، الپىس ءۇش ايەلدى تەكسەرۋگە العان دارىگەرلەر قىرىق ايەلدىڭ ومىراۋىنان قاتەرلى ىسىكتىڭ بەلگىسىن انىقتاپتى. بۇل جاعداي ساقتالا بەرسە، اۋىل حالقى تۇگەل قىرىلىپ كەتپەك، – دەيدى تۇرعىندار.
جانيا ابدۋللايەۆا، تۇرعىن:
– ءبىز شارشادىق. شارشاعاننان بۇرىن بالالارىمىز قان قۇسىپ جاتىر. شاش ءتۇسىپ جاتىر. تىرناق ءتۇسىپ جاتىر. ءبىز قايدا بارامىز، سونى ايتىڭدارشى. سوندا الپىس ءۇش ادامنان قىرىق ادام راك. كەشە ايتتى عوي مەدبيكە.
حالىقتىڭ شاعىمى زاۋىت اشىلعالى تۋىنداپ وتىر دەگەندى بيلىكتىڭ ءوزى دە راستادى. نارازىلىق جيىلەگەن سوڭ، قۇزىرلى مەكەمەدەگىلەر باس قوسىپ، جيىن دا وتكىزىپتى. وعان زاۋىت وكىلدەرى دە قاتىسىپتى. ال دارىگەرلەردىڭ ناۋقاستار سانىنىڭ كۇرت وسكەندىگى جايلى اقپاراتتى اكىمدىك راستادى.
قۇدىرەت قىستاۋبايەۆ، سارىاعاش اۋدانى اكىمىنىڭ ورىنباسارى:
– قازىرگى تاڭدا اۋداندىق پروكۋراتۋرا تاراپىنان ءىس قوزعالدى. وبلىستىق ەكولوگيالىق كوميتەتىنەن ءتيىستى قاۋلى شىعارىلدى. سونىڭ ءتيىستى ماماندارى لابوراتورياسىمەن كەلىپ، بۇل زاۋىت جونىندە ناقتى جۇمىستار جۇرگىزىپ، ءوزىنىڭ شەشىمىن بەرەتىن بولادى.
بيلىك حالىققا زاۋىت باسشىسى سەرىك اعابەكوۆتىڭ ۋادەسىن الدىق، بۇگىننەن باستاپ زاۋىت ءوز جۇمىسىن تولىقتاي توقتاتتى دەپ مالىمدەدى. الايدا تۇرعىندار پىكىرى باسقا. ولار حالىقتى ۋلاپ وتىرعان قويۋ قارا ءتۇتىننىڭ ازداپ سايابىرسىعانى بولماسا، توقتادى دەگەنى وتىرىك دەپ وتىر. ەگەر ۋلانۋ دەرەگى وسىلاي جالعاسا بەرسە، حالىق تەمىر جولدى جابامىز دەيدى.
