گرۋزيانىڭ بۇرىنعى پرەزيدەنتى پولشادا دەگەن باق-تا تارالعان اقپاراتقا سايكەس، گرۋزيانىڭ باس پروكۋراتۋراسى ينتەرپول ارقىلى پولشاعا ساۋال جولدادى دەپ حابارلايدى Qamshy.kz اقپارات اگەنتتىگى Ria.ru-عا سىلتەمە جاساپ. گرۋزيانىڭ باس پروكۋراتۋراسى پولشادان سۇرانىمدى قابىلداعانىن راستادى. ءقازىر زاڭعا سايكەس قاجەتتى جۇمىستار جۇرگىزىلىپ جاتىر.
ايتا كەتەيىك، سااكاشۆيلي پولشاعا 4 تامىزدا كەلدى. ول دۇيسەنبى كۇنى پولشادان كەتەتىنىن ايتقان.
26 شىلدەدە ۋكراينانىڭ ميگراسيالىق قىزمەتى پرەزيدەنت پەتر پوروشەنكو سااكاشۆيليدى ۋكرايندىق ازاماتتىقتان ايىرعانىن حابارلاعان. ونىڭ سەبەبىن ازاماتتىقتى الۋ كەزىندە جالعان اقپارات بەرگەنىمەن تۇسىندىرگەن. سااكاشۆيليدىڭ ءوزى اقش-تا ەكەنىن ايتقان.
2013 جىلدىڭ قاراشا ايىندا جاڭا پرەزيدەنت ءوز قىزمەتىنە كىرىسكەننەن كەيىن سااكاشۆيلي گرۋزيادان كەتكەن. گرۋزيانىڭ باس پروكۋراتۋراسى سااكاشۆيليگە بىرنەشە قىلمىستىق ءىس بويىنشا سىرتتاي ايىپ تاقتى. 2015 جىلى پوروشەنكو ەكس-پرەزيدەنتكە ۋكرايندىق ازاماتتىقتى بەرىپ، ودەسسا رەسپۋبليكاسىنىڭ مەملەكەتتىك اكىمشىلىگىنىڭ باسشىسى ەتىپ سايلادى. 2016 جىلدىڭ قاراشا ايىندا سااكاشۆيلي وتستاۆكاعا كەتتى.
پىكىر قالدىرۋ