يزرايل، اقش پەن رەسەي اراسىندا قۇپيا كەزدەسۋ ءوتتى. كەزدەسۋ بارىسىندا سيرياداعى جاعدايدى رەتتەۋ تۋرالى كەلىسسوزدەر جۇرگىزىلدى. Haaretz مالىمەتىنشە، ءۇش ەل وكىلدەرىنىڭ كەزدەسۋى گامبۋرگتە وتكەن G20 سامميتىندەگى ترامپ پەن پۋتين كەزدەسۋىنىڭ الدىندا ورىن العان، دەپ جازادى Qamshy.kz اقپارات اگەنتتىگى.

ءۇش ەلدىڭ وكىلدەرى يوردانيانىڭ استاناسى اممان قالاسىندا كەزدەسكەن نەمەسە ەۋروپاداعى ءبىر ەلدىڭ استاناسىندا باس قوسقان.

دەرەكتەرگە سايكەس، يزرايل جاعىنان كەزدەسۋگە سىرتقى ىستەر مينيسترلىگىنىڭ وكىلدەرى، قورعانىس مينيسترلىگى وكىلدەرى، «موسساد» سىرتقى بارلاۋ وكىلدەرى مەن مەملەكەتتىڭ قارۋلى كۇشتەرى قاتىسقان.

امەريكا جاعىنان سيرياعا بايلانىستى ارنايى ەلشى، مەملەكەتتىك حاتشىنىڭ كومەكشىسى مايكل راتني، «يسلام مەملەكەتتەر» تەرروريستىك ۇيىمعا قارسى كواليسياداعى اقش پرەزيدەنتىنىڭ ارنايى وكىلى قاتىستى.

رەسەي جاقتان سيرياعا بايلانىستى پرەزيدەنتتىڭ ارنايى ەلشىسى الەكساندر لاۆرەنتيەۆ قاتىستى.

مالىمەتتەرگە سايكەس، امماندا ءبىر كۇندە ەكى كەزدەسۋ وتكەن. ەكەۋى دە سيرياداعى جاعدايعا بايلانىستى جۇرگىزىلگەن.

ءبىرىنشى كەزدەسۋگە اقش، رەسەي، يزرايل وكىلدەرى قاتىستى. تەل-اۆيۆ ءوزىنىڭ پوزيسياسىن ۆاشينگتون مەن ماسكەۋگە تانىستىردى. ەكىنشى كەزدەسۋ يزرايل، اقش، يوردانيا اراسىندا ءوتتى. بۇل كەزدەسۋدە تەل-اۆيۆ پەن امماننىڭ كوزقاراسى ءبىر جەردەن شىقتى.

بىرنەشە كۇننەن كەيىن يزرايل مەن اقش، رەسەي وكىلدەرى ەۋروپاداعى ءبىر مەملەكەتتىڭ استاناسىندا قايتا باس قوستى. دەرەكتەرگە سايكەس، بۇل كەزدەسۋگە يوردانيا جاعىنان وتكەن كەزدەسۋگە قاراعاندا جوعارى قىزمەتتەگى مەملەكەت وكىلدەرى قاتىسقان.

بۇل كەزدەسۋدە يزرايل يران اسكەرىن سيريادان شىعارۋدى ۇسىندى.