تايلاند ازاماتىن پاتشاعا ءتىل تيگىزگەنى ءۇشىن 18 جىلعا باس بوستاندىعىنان ايىردى دەپ حابارلايدى رەيتەرس-كە سىلتەمە بەرىپ Qamshy.kz اقپارات اگەنتتىگى. 61 جاستاعى تارا ەسىمدى تايلاندتىق 2015 جىلى ءوزىنىڭ الەۋمەتتىك جەلىدەگى پاراقشاسىنا بيلىككە، مونارحياعا قارسى دورەكى سوزدەرى بار ۆيدەو جاريالاعان سوڭ ۇستالعان بولاتىن.

بۇل ءىس بانگكوك اسكەري سوتىندا قارالعان بولاتىن. ناتيجەسىندە تارا پاتشاعا ءتىل تيگىزگەنى ءۇشىن 15 جىلعا، ينتەرنەتتى قىلمىستىق ماقساتتا پايدالانعانى ءۇشىن تاعى 5 جىلعا جازاعا تارتىلدى. جازانىڭ ەكى جىلىن وتەگەن ايىپتالۋشىنىڭ ەندى تاعى 18 جىلى قالعان. ايىپتالۋشى ءوز كىناسىن مويىنداعان.

ايتا كەتەيىك، 2017 جىلى تاعى ءبىر تايلاندتىق كورولدىك وتباسىعا ءتىل تيگىزگەنى ءۇشىن 35 جىلعا سوتتالعان. قازىرگى ۋاقىتتا وسىنداي ايىپپەن 100 شاقتى ادام سوتتالىپ، جازالارىن وتەۋدە.