ەگەر ءقازىر جەر شارىنداعى اۋا تەمپەراتۋراسىنىڭ كۇرت وزگەرۋىن رەتتەۋ ءۇشىن  امالدار قولدانىلماسا، 2100 جىلى 350 ميلليون ەۋروپالىق ءقاۋىپتى كليماتتىق جاعدايدان زارداپ شەگەتىن بولادى. بۇل تۋرالى Qamshy.kz اقپارات اگەنتتىگى rostbalt.ru مالىمەتىنە سۇيەنىپ حابارلايدى.

حالىقارالىق عالىمدار توبىنىڭ زەرتتەۋى بويىنشا، 2100 جىلعا قاراي جەر بەتىندەگى 99%  ادام ءولىمى قولايسىز اۋا رايىنان بولادى.

ارنايى ماماندار 1981 جىلدان 2010 جىلعا دەيىنگى اۋا رايىن تەكسەردى. عالىمدار ءوزارا سالىستىرۋلار مەن حالىقتىڭ كوشىپ-قونۋىن، سونىمەن قاتار، الداعى اۋا رايى بولجامدارىن ەسكەرە كەلە، ورمان ءورتى، اۋا تەمپەراتۋراسىنىڭ كۇرت جوعارىلاۋى، بوران مەن سۋ تاسقىنىن ەسكەرىپ وسىنداي قورتىندى شىعارىپ وتىر.

عالىمدار جاھاندىق جىلىنۋ ناتيجەسىندە جەر شارى 2 گرادۋسقا جىلىپ، اۋا تەمپەراتۋراسىنىڭ جوعارىلاۋىنان بولاتىن ادام ءولىمى 5400%-عا جەتەدى دەپ وتىر. جاعالاۋداعى ايماقتاردى سۋ الۋ سالدارىنان ادام ءولىمى 3780%-عا جەتەدى. ال ورمان ورتىنەن 138% بولسا، داۋىلدان 20% جەر شارىنداعى ادام قازا بولادى.

21 عاسىردىڭ سوڭىنا تامان قولايسىز اۋا رايى سالدارىننا قازا بولاتىنداردىڭ سانى جىل سايىن 3 مىڭنان 150 مىڭعا جەتۋى مۇمكىن.