ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن يران مادەنيەت جانە يسلامدىق باعدار ءمينيسترى رەزا سالەحي اميري سەيسەنبى كۇنى تەگەراندا كەزدەسۋ بارىسىندا ەكى ەل اراسىنداعى مادەنيەت پەن ونەر اياسىنداعى سەرىكتەستىك تۋراسىن تالقىلادى. بۇل تۋرالى Qamshy.kz اقپارات اگەنتتىگى جەرگىلىكتى ParsToday اگەنتتىگىنىڭ مالىمەتىنە سۇيەنىپ حابارلايدى. 

يران ءمينيسترىنىڭ ايتۋىنشا، يراندىق كينو الەم بويىنشا جوعارعى دەڭگەيدە جانە قازاقستانمەن بىرىگىپ كينو تۇسىرۋگە، كينو سالاسىندا ءبىلىم جۇيەسىن دامىتۋعا اتسالىسادى.

سونداي-اق، قازاقستاننىڭ يران ءۇشىن ورنى ايرىقشا ەكەنىن ايتا كەتىپ، يران پرەزيدەنتى حاسان ءروۋحانيدىڭ ەلباسى نۇرسۇلتان نازاربايەۆتى ەرەكشە قۇرمەتتەيتىنىن دە جەتكىزدى. قازاقستانمەن قاي سالادا بولماسىن، سەرىكتەستىك قۇرۋعا دايىن ەكەندەرىن ايتتى.

«يران مەن قازاقستان سەرىكتەس بولۋ ءۇشىن ەشقانداي كەدەرگى جوق. ەكى جاق تا مۋزىكا، ونەر، تەاتر جانە كوركەم گالەرەيا اياسىندا بىرىگىپ جۇمىس اتقارا الادى»، – دەدى يران مادەنيەت جانە يسلام باعدار ءمينيسترى.

ق ر مادەنيەت جانە سپورت ءمينيسترى ارىستانبەك مۇحامەدي ۇلى دا يراننىڭ تاريحي ءتۋريزمى قازاقستان ءۇشىن اسا ماڭىزدى ەكەنىن جەتكىزدى.