استانادا سانكت-پەتەربور اپتالىعى اياسىندا ەلوردا اكىمى اسەت يسەكەشيەۆ پەن سانكت-پەتەربوردىڭ ۆيسە-گۋبەرناتورى سەرگەي موۆچاننىڭ كەزدەسۋى ءوتتى، دەپ جازادى Qamshy.kz اقپارات اگەنتتىگى.

كەزدەسۋ بارىسىندا ەكى قالا ىنتىماقستاسىتىعىنىڭ كەلەشەگى تالقىلاندى.

سەرگەي موۆچان ەكسپو-2017 حالىقارالىق كورمەسىنىڭ ۇيىمداستىرىلۋ جۇمىستارىن جوعارى باعالادى. «ءبىز بولاشاقتا ءالى تالاي حالىقارالىق ەكونوميكالىق فورۋمدار وتكىزەمىز. بۇنىڭ استارىندا ۇلكەن كۇش پەن جىگەر جاتىر. حالىقتىڭ سانىن جيناۋ ءۇشىن قاۋىپسىزدىك ماسەلەسى دە ماڭىزدى. سوعان بايلانىستى «اقىلدى» جانە «ءقاۋىپسىز» قالانىڭ دامۋى جونىندە ايتۋعا بولادى»، - دەدى رەسەيلىك قوناق.

كەلىسسوز بارىسىندا استانا اكىمىنىڭ ورىنباسارى اندرەي لۋكين مەن سەرگەي موۆچان 2017-2021 جىلدار ارالىعىنداعى سەرىكتەسىتك جايىندا قۇجاتقا قول قويدى. قۇجاتقا سايكەس، ەكى ەل اراسىنداعى ەكونوميكالىق ساۋدا، عىلىمي تەحنيكا، مادەني جانە گۋمانيتارلى سەرىكتەستىك باعدارلامالارى قاراستىرىلعان.

رەسەيدەگى قازاقستان ەلشىلىگىنىڭ باسپا ءسوز قىزمەتىنىڭ مالىمەتىنشە، ەكى ەل اراسىنداعى ىنتىماقتاستىق قارقىندى تۇردە دامىپ كەلەدى. سانكت-پەتەربور قالاسىندا «استانا» ەۋرازيالىق ىسكەرلىك سەرىكتەستىك ورتالىعى بوي كوتەرمەك. ورتالىق ەكى قالا كاسىپكەرلەرى اراسىنداعى بايلانىستى جاقىنداتا تۇسەدى.