لاتۆيا بيلىگى 9 جانە 12ء-شى سىنىپتا تاپسىرىلاتىن ەمتيحاندى تەك مەملەكەتتىك تىلدە تاپسىرۋعا ۇكىم شىعاردى. باسقا تىلدەردە تاپسىرۋعا قاتاڭ تىيىم سالدى. سونىڭ ىشىندە ەلدىڭ ءبىلىم مينيسترلىگى ورىس تىلىندە تاپسىرىلاتىن ەمتيحاندارعا باسا نازار اۋداردى. وزگەرىس الداعى وقۋ جىلىنان باستاپ ءوز كۇشىنە ەنەدى. بۇل تۋرالى Qamshy.kz اقپارات اگەنتتىگى Meduza.io سايتىنا سىلتەمە جاساپ حابارلايدى.
وسى ۋاقىتقا دەيىن ەلدەگى بارلىق مەكتەپتەردە 9-سىنىپ وقۋشىلارى ەمتيحاندى قاي تىلدە تاپسىراتىنىن وزدەرى تاڭدايتىن. ەندى تەك 9-سىنىپ عانا ەمەس 12-سىنىپ وقۋشىلارى دا ەمتيحاندى مەملەكەتتىك تىلدە تاپسىرادى.
2009 جىلدان 2016 جىلدارى ەمتيحاندى لاتىش تىلىندە تاپسىرعان وقۋشىلاردىڭ سانى 60-تان 85 پايىزعا وسكەن.
ايتا كەتسەك، لاتۆيادا ورىس تىلىندە ساباق جۇرگىزەتىن 168 باستاۋىش مەكتەپ پەن 108 ورتا مەكتەپ بار.
پىكىر قالدىرۋ