گەرمانيا بيلىگى اۋعاندىق بوسقىنداردى ەلدەن شىعارۋدان باس تارتتى، دەپ جازادى Qamshy.kz اقپارات اگەنتتىگى. ءسىم مەن ءىىم اۋعانستانداعى قاۋىپسىزدىك ماسەلەسىن قايتا قاراپ، ونى «ءقاۋىپسىز» مەملەكەتتەر تىزىمىنەن شىعاردى.

گەرمانيا ۇكىمەتى بۇگىنگى كۇنگە دەيىن اۋعانستانداعى قاۋىپسىزدىك جاعدايىن قالىپتى دەپ ساناپ كەلدى. ودان بولەك ءقاۋىپسىز مەملەكەتتەردىڭ تىزىمىنە البانيا، ماكەدونيا، چەرنوگور، سەربيا ەلدەرى كىردى. وسى ەلدەردىڭ بوسقىندارىن وتاندارىنا قايتاراتىن.

بۇدان بۇرىن گەرمانيا بيلىگى 10 مىڭ اۋعاندىق ميگرانتتاردى دەپورتاسيالاۋدى جوسپارلاعان. مۇنداي شەشىم وتكەن جىلدىڭ قاراشاسىندا قابىلدانعان. كابۋل ەلىندەگى مامىردا بولعان تەراكتىدەن 80-گە جۋىق ادام زارداپ شەككەن ەدى. ءسويتىپ، اۋعانستانداعى قاۋىپسىزدىك جاعدايى قايتا قارالدى.

2016 جىلى گەرمانيا اۋعانستانعا 27 بوسقىندى قايتاردى، 2015 جىلى توعىزىن عانا قايتارعان. بۇگىندە گەرمانيا شەكاراسىندا 250 مىڭعا جۋىق اۋعاندىقتار ءجۇر.