كونگو دەموكراتيالىق رەسپۋبليكاسىندا شەرۋگە شىققاندار مەن پوليسيا قىزمەتكەرى اراسىنداعى قاقتىعىس سالدارىنان 27 ادام قازا تاپتى. ونىڭ ىشىندە 3 پوليسيا قىزمەتكەرى بار. بۇل تۋرالى Qamshy.kz اقپارات اگەنتتىگى Reuters مالىمەتىنە سۇيەنىپ حابارلايدى.
كونگونىڭ قورعانىس كۇشى كينشاسادا شەرۋگە شىققاندارعا تويتارىس بەرۋ ءۇشىن ءبىر توپ ادامعا وق جاۋدىرعان.
قارۋلى قاقتىعىستاردىڭ كوپشىلىگى كونگونىڭ استاناسىندا ورىن العان. سونىمەن قاتار كوتەرىلىسشىلەر ەل پرەزيدەنتى دجوزەف كابيلىعا قارسى شەرۋگە شىققان جانە دۇيسەنبى كۇنى اباقتىعا شابۋىل جاساعان.
ايتا كەتسەك، ءبىراز ۋاقىت بۇرىن كونگودا قاستاندىق ۇيىمداستىرۋشى اباقتىعا جارىلعىش زات لاقتىرعان. ناتيجەسىندە 2 ادام كوز جۇمىپ، 20 قىلمىسكەر قاشىپ كەتكەن.
