نەپالدا سۋ تاسقىنى مەن لاي كوشكىنىنەن قازا بولعاندار سانى 49 ادامعا جەتتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە بەرىپ. وكىنىشكە قاراي، جەرگىلىكتى بيلىك قۇرباندار سانى ءالى دە ارتۋى مۇمكىن دەپ وتىر.
تابيعي اپاتقا وسىمەن بىرنەشە كۇن تولاس تاپپاي جاۋعان جاڭبىر سەبەپ بولىىپ وتىر. سوڭعى مالىمەت بويىنشا ەلدىڭ ورتالىق بولىگىندە 600 ساياحاتشى ەشقايدا قاتىناي الماي، قامالىپ قالعان. ولاردىڭ جارتىسىنان استامى – شەتەلدىك ساياحاتشىلار. بارلىعى چيتۆان ۇلتتىق ساياباعىنا جاقىن جەرگە دەمالۋعا كەلىپتى. الايدا اق جاۋىننىڭ كەسىرىنەن تاياۋداعى ەكى بىردەي وزەن ارناسىنان تاسىعان.
ءقازىر توپان سۋدان جاپا شەككەن اۋدان حالقىنا پوليسيا قىزمەتكەرلەرى جانە اسكەريلەرمەن قاتار وزگە ايماق تۇرعىندارى دا كومەكتەسۋگە تىرىسىپ جاتىر.
